I MALAVOGLIA - Kesiev

Rocco Spatu Eu ci aiu ‘na mamma! Chissà si a chist’ura sta dormendu!
Cinghialenta Beatu chiddu chi cu stu tempacciu si ‘nde po’ stara intra nu lettu!
Ntoni Sst! Forzi è megghiu si cambiamu strata, pecchì si Mena, comu u solitu soi,
mi sta aspettandu ancora azata, ni po’ sentira.
Rocco Spatu Nun aspetta certu a tia; sorta aspetta don Micheli!
Ntoni Ripeti chiddu chi hai dittu e ti fazzu mangiara l’anima!
Cinghialenta Siti ‘mbriachi ppé casu? V’imbrigati ppé cosi e nenta, propriu quandu amu e
fara cosi cchiù importanti ca litigara ppé cazzati!
SCENA XVI
(Pedepapera, Vanni Pizzutu, Anna, Padron Ntoni, Lia, Mena, Don Franco, Don Silvestro, Padron Cipolla, Zoppidda,
Zoppiddu, Vespa, Zio Crocifisso, Locca)
Pedepapera Chi è successu?
Vanni Pizzutu Stanotta hannu arestatu Ntoni e Padron Ntoni e u figghiu da Locca
Pedepapera Chi hannu cumbinatu?
Vanni Pizzutu I Guardii l’hannu sorpresi chi facianu contrabbandu; ma a cosa cchiù grava, è
che u povaru don Micheli s’è buscata ‘na curteddata a ru stomacu.
Anna China è statu?
Vanni Pizzutu Ntoni Malavoglia!
Anna Oh, Madonna mia!
Padron Ntoni E Ntoni, sapiti duv’è Ntoni?
Anna L’hannu arrestatu ‘nzema a ru figghiu da Locca; hannu ammazzatu don
Micheli!
Padron Ntoni Ah, mamma mia, mamma mia! Oh, figghiareddi mei, una doppu l’atra!
Quandu finiscia, quandu?
Lia e Mena (cacciandosi le mani nei capelli) Oh, mammaredda mia!
(entrano anche Grazia e Nunziata e si mettono a piangere)
Pedepapera Oh, Padron Ntoni, quantu mi dispiacia! Sugnu rimastu e sala, quandu l’aiu
saputu! (In disparte, rivolto a sua moglie, Grazia)
E tu, chi fai cca? D’ora in avanti stai attenta a praticara sta casa, si nun ti voi
tirara addossu l’occhi di sbirri!
Padron Ntoni Figghiaré, mò nun avimu cchiù bisogno da casa, nun avimu cchiù bisognu e
nenta, perciò ccu chiddi quattru sordi a Ntoni ci mintimu nu bravu avvocatu.
Don Franco Sulu i cazzuni si fannu pigghiara, i vurpi vecchi scappanu!
Don Silvestro Chissu è nu bruttu affara! Da a galera sti guagliuni nun i sarva mancu Domine
e Diu!
Don Giammaria Purtroppu in galera nun ci vannu chiddi cchi ci averranu e jira.
Don Silvestro Sugnu d’accordu ccu vui!
Padron Cipolla Oggi giorno i latri, i veri latri, v’arrobbanu in pieno giorno e ‘n menzu
a chiazza; vi trasanu intra a casa senza rumpira né porti né finestri.
Zoppidda Comu volìa fara Ntoni ccu nui del restu.
Zoppiddu E’ chiddu chi t’aiu dittu sempra eu.
Zoppidda Vui nun parratira, è megghiu si vi staviti quetu, ca nun sapiti nenta!
Guardati chi bella jornata chi venìa a figghiama, si eu nun stavia attenta!
Padron Cipolla Staviti tranquilla che ddà nun nescia cchiù.
Sapiti chi c’è scrittu a ru carciaru e Palermu? Curra quantu voi, cca t’aspettu!
Vespa A brava genta nun si minta a fara stu misteri; certi perzuni i guai se li vannu
propriu a cercara!
Zio Crocifisso Eu a galera ci l’aiu in casa! (rivolto alla Locca) Vulerra essara eu a ru postu
73