I MALAVOGLIA - Kesiev

Cinghialenta Guardati ca nui nun stamu iendu a jocara a buttuni. Mò vi fazzu dara nu
biccheri d’acqua cu limuna.
Ntoni A mia nun mi serva l’acqua cu u limuna; e staviti puru tranquillu ca eu
chiddu chi aiu e fara u fazzu megghiu e vu’ atri missi ‘nzema.
Vanni Pizzutu Chi n’è? Sugnu già intra u lettu; chi voliti?
Cinghialenta Apara, si no a furia e bussara resbigghiamu tuttu u paisa e facimu tantu
chiassu chi venanu puru i guardii.
Vanni Pizzutu China siti?
Rocco Spatu Cumpara Vanni nun si fida; vò a parola d’ordine!
Cinghialenta U ciucciu ragghia.
Vanni Pizzutu Ma dicu eu, siti nesciuti pacci! Propriu cincu minuti fa è passatu don
Micheli.
Rocco Spatu L’avimu vistu puru nui. A chist’ura sta dicendu u rosaru ccu a Santuzza.
Vanni Pizzuto Ntò, u sai tu duva è statu don Micheli mancu ‘n’ura fa?
Ntoni (fa cenno col capo di no)
Vanni Pizzutu (parlando all’orecchio di Rocco e Cinghialenta)
E’ statu a trovara i soru; l’ aiu vistu eu!
Cinghialenta Ccu a bona saluta! Amu e dira a Ntoni ma raccumanda i soru ma trattenanu
u brigaderi tutta a notta, quandu avimu certi faccendi da sbrigara.
Ntoni Chi voliti e mia?
Cinghialenta Nenta, nenta! Nun è ‘n affara ppé stasira!
Rocco Spatu Pecchì nun mi l’aviti dittu a mia?
Vanni Pizzutu Era ‘n atru discurzu chi staviamu facendu eu e u cumpara Cinghialenta…..
Comunqua chidda perzuna ha confermatu ca ppé stasira a roba c’è, ma ccu
stu tempacciu sbarcara è nu pocu difficila.
Cinghialenta Tantu megghiu, accussì nessunu ci vida!
Vanni Pizzutu Sì, ma i guardii doganali hannu l’orecchi fini; m’è sembratu, anzi sugnu
sicuru, ca passavanu e spassavanu propriu cca davanti e guardavanu puru
intra a putica.
Rocco Spatu Mi ‘nde futtu e iddi eu! E si venanu ma ficcanu u nasu a ri fatti mei, ci u
fazzu vidira eu a sti gran cornuti. U curteddu meu nun fa tantu chiassu comu
i pistoli loru.
Cinghialenta Nui ni volimu buscara u pana comu potimu e nun volimu fara mala a
nessunu.
Ntoni Sapiti chi ha dittu don Giammaria? Ha dittu ca arrobara ai latri, nun è peccatu;
i primi veri latri su iddi, i guardii!
Rocco Spatu Vi dicu a verità, eu e sti genti ‘nde facerra volenteri purpetti.
Figlio Locca ( tremando, mette giù il bicchiere ancora pieno)
Cinghialenta Figghiaré, si già ‘mbriacu?
Figlio Locca No, nun l’aiu mancu mintutu a ri labbra u biccherinu.
Cinghialenta Nescimu, nu pocu e aria fa bena a tutti. Bonanotta!
Vanni Pizzutu Aspettati! Vi volìa dira ‘na cosa, a casa mia è sempra aperta ppé vu’ atri
e si l’affara va bena u sapiti ca ca aiu ‘na cambara duva ci potiti mintira tutta
a roba chi voliti, pecchì ddà dintra nessunu ci minta u nasu. E poi, u sapiti
puru vui, ca eu e don Micheli simu amici….Ah, ‘n’atra cosa, eu nun mi fidu
e Pedepapera, pecchì l’atra vota mi ficia i corna, portandu a roba duva don
Silvestru; eu chissu vi vogghiu dira, don Silvestru ccu a scusa ca rischia u
pustu, pretenda ‘na percentuala troppu adda, mentra eu m’accuntentu e pocu.
Comunqua, si ppé casu, facimu i corna, vi va mala, a mia nun mi aviti né vistu
né sentutu ;nun mi traditira; eu sugnu sulu, nun tegnu nessunu eu.
Cinghialenta Eu, invecia, tegnu ‘na mugghiera da mantenira!
72