I MALAVOGLIA - Kesiev

Mena Liicé, trasatinda, nun è bellu ppé ‘na guagliuna stara sempra subra a porta!
Lia Hai ragiuna, m’aiu e chiudira intra a casa comu si fussa nu tesoru! Ma sta
tranquilla ca tesori comu a nui nun ‘nde vonnu mancu i cani.
Mena Si a mamma fussa ancora cca!
Lia Si a mamma fussa ancora cca, eu nun sarei orfana e Ntoni nu scelleratu,
sempra strati strati chi è ‘na vergogna sentirsi dira ca simu soru soi!
E nessunu penza ma si spusa ccu na soru e Ntoni Malavoglia! Tenalu bena
in menta!
Mena Hai ragiuna, tanta ragiuna……Sta attenta a ra cassarola, ca mò vegnu!
Lia Duva vai? Speri ancora ma ricogghi Ntoni tu?
Mena Eu ci provu! (esce e rientra in casa delusa; intanto sono arrivati Padron Ntoni
e Alessi; mangiano tutti sparpagliati per la casa con la scodella sulle
ginocchia.
Usciti da un pò Padron Ntoni e Alessi, si sente bussare alla porta d’entrata) Lia
Chi n’è a quist’ura?
Don Michele Sugnu eu, don Micheli! Apariti, v’aiu e parrara d’urgenza!
Lia Nun pozzu aparira; su tutti a ru lettu chi dormanu.
Don Micheli Apariti, v’ aiu e parrara e Ntoni! U frata vostru rischia a galera! Ppé favora,
aparitimi! Si ‘ncunu mi vida cca fora, ci perdu u pana!
Lia Oh, Madonna mia, Madonna mia!
Don Michele Sta notta è megghiu si nun u faciti nescira; dicitici ca è megghiu ppé
tutti, si resta chiusu in casa. Però non ci dicitera ca vi l’aiu dittu eu!
Lia Oh, Madonna mia, Madonna mia!
Don Michele Mò è all’osteria, ma ppé andara a ru Rotolo ha de passara e ca ppé forza;
perciò aspettatilu subra a porta e trattenitilu ca è megghiu ppé iddu-
Lia (piange)
Don Michele Stasira a mia nessunu m’aspetta e nemmenu ciangia ppé mia!....
Cummara Lì, si mi succeda ‘ncuna cosa, riordativi ca sugnu venutu ma
v’avvertu rischiandu u postu ppé vui!
Lia Don Miché, vi ripagherà Diu!
Don Michele Eu nun vogghiu essara pagatu e nessunu; l’aiu fattu ppé vui, pecchì
vi vogghiu bena!
Lia Mò, iativinda; ppé l’amuri e Diu, iativinda! Grazzi!
SCENA XV
(Santuzza, Rocco Spatu, Zio Santoro, Ntoni, Cinghialenta, Figlio della Locca, Vanni Pizzutu)
Santuzza Fora tutti ca aiu e chiudira!
Rocco Spatu Finu a quandu c’è u luma accesu subra a porta, nui avimu tuttu u dirittu
e restara cca. Eu a leggia a canusciu!
Santoro (spegne la lanterna)
Santuzza Mò è astutatu, perciò iativinda, ca a mia mi fa sonnu!
Ntoni A mia invecia no! A mia massaru Filippu mi fa dormira a notta,
Santuzza Eu nun mi vogghiu piggiara ‘na murta ppé amuri vostru. Perciò,
iativinda!
Cinghialenta Iamu, iamu duva cumpara Vanni; iddu po’ tenira apertu quantu vodi.
Figlio Locca Mamma mia, è tantu scuru chi mancu ci si vida!
Rocco Spatu Ccu stu tempu è megghiu si ni vivimu ‘ncuna cosa; chi ‘nde diciti?
71