I MALAVOGLIA - Kesiev

SCENA VI
(Don Franco, Pepedapera, Moglie don Franco, Ntoni, Vanni Pizzutu, Rocco Spatu)
Don Franco Secundu mia accussì nun va ppé nenta! E’ necessariu buttara in aria ogni
cosa e ricominciara tuttu da capu. Ccu sti perzuni cca è propriu comu
pistara l’acqua a ru murtaru.
Pedepapera E vui ‘nde sapiti ‘ncuna cosa!
Don Franco Secundu mia, l’unicu chi ‘nde po’ capira ‘ncuna cosa è Ntoni chi ha
giratu u mundu ed ha apertu l’occhi comu i gattareddi. Nun dimenticamu ca
sutta l’armi ha puru imparatu a lejira; tant’è veru ca quandu ha nu pocu
e tempu vena duva mia a sentira chiddu chi dicia u giornala. E poi u sapimu
tutti , Ntoni è nu guagliuna molto educatu.
Moglie Don Franco Tu, pecchì t’imbischi nell’affari chi nun ti riguardanu?
Don Franco I fimmini i dassamu dira e poi i cosi i facimu all’ammucciuni!
Ntoni Bella giustizia daveru! C’è china si rumpa a cudidda e china si ‘nde sta
tuttu u santu jornu ccu a panza all’aria a fumara a pippa; mentra l’omini
averramu essara tutti frati e soru e chissu nun vu dicu eu, povaru ignoranta,
no, l’ha dittu Gesù Cristu, u rivoluzionariu cchiù randa chi c’è mai statu subra
sta matra terra. I previti soi, oggigiorno, fannu i sbirri e i spiuni.
U sapiti ca l’affara di don Micheli cu a Santuzza l’ha scopertu don
Giammaria a ru confessionala?
Pedepapera Atru che don Micheli, a Santuzza c’ ha massaru Filippu. U brigaderi da parta
sua passa e ripassa da via del Nero, nun ha certu paura da Zoppidda né da
cunocchia; iddu c’ha a pistola!
Vanni Pizzutu Eu vi dicu ca don Micheli perda u tempu ccu a Zoppidda. Don Silvestru ha
dittu ca prima o poi sta guagliuna cada a ri pedi soi comu ‘na pira matura.
Pedepapera Ma sì! Intantu, però, don Micheli si diverta ccu Barbara e ccu l’atri chi
abitanu a chidda ruga. U sacciu eu! Don Micheli nun ha nenta da fara
e ogni jornu si becca ugualmenta i soi quattru tarì.
Don Franco E’ chidddu chi dicu sempra eu! Tuttu u sistema è accussì! Si paganu tanti
sfaccendati a fara nenta e a nui, chi i pagamu, pecchì su sordi nostri, ci fannu
puru i corna. Chissa è a verità!
C’è gente chi vena pagata quattru tarì al giorno ppé passara sutta a finestra
da Zoppidda e don Giammaria si pappa ‘na lira ppé cumpessara a Santuzza.
E poi c’è don Silvestru e che so io, mastru Cirinu chi vena pagatu ma ni
rumpa i timpani ccu i campani; però nun appiccia i lumi e l’ogghiu su minta
a ri taschi soi. Ppé nun parrara e tutti i porcherii ca ci sunnu in Parlamentu.
Chiacchiarianu…. Chiacchiarianu, ma nemmenu iddi sannu chiddu chi
dicianu. E poi ridanu suttu i baffi a ra faccia e china ci crida. Tutti
commedii ppé u populu credulona chi paga i latri, i ruffiani e i sbirri comu
don Micheli.
Ntoni Bella cosa quattru tarì a jornata ppé spassara e cca e de dà!
Puru eu vulerra essara ‘na guardia doganala.
Don Franco Eccu! Eccu! Chissi sunnu i conseguenzi du sistema! A conseguenza è ca
tutti diventanu mascalzoni. Nun v’offenditira cumpara Ntò, “ u piscia puzza
da capu”. Puru eu a penzerra comu a vui, si nun averra studiatu e si nun
averra stu misteri chi mi fa guadagnara u pana.
Ntoni Non tutti ponnu fara i sordi pistandu l’acqua a ru mortaru.
Don Franco E’ veru! Perciò n’avimu e levara da menzu i pedi tutti sti berretti gallonati e
u cchiù prestu possibila.
Ntoni Allora ammazzatili vui chi pagu eu!
65