I MALAVOGLIA - Kesiev

Nunziata Ppé forza mi piacianu! Aiutanu a mangiara u pana e custanu pocu.
Eu e i frati mei quandu nun avimu sordi ppé a minestra i mangiamu sempra.
Alessi Ppé chissu si ‘nde vindanu tanti! E pecchissu u zu Crocifissu l’ha chiantati.
Ppé i cavuli e i lattuchi, c’ ha l’ortu da casa sua. Nui, però, ci mintimu puru
i vrocculi e i cavuli boni, eh?
Nunziata (canta) Ma c’è ancora tempu!
Alessi Si! Prima s’ha de spusara Mena e puru Lia; tu hai accasara i frati toi.
Ma è megghiu si ci penzamu già!
Mena Quandu canta Nunziata, bon segnu. Vor dira ca l’indomana è ‘na bella
jornata e po’ jira a ru lavatoiu.
Anna E puru eu pozzu jira a fara ‘ncuna vucatedda, pecchì u lavatoiu ppé mia è
tuttu: a vigna e a chiusa. Ppè mia quandu aiu panni da lavara è festa,
speciarmenta moni chi Roccu ppé dimenticara a Mangiacarrubba passa
i jorni a ra putica.
Padron Ntoni “Ogni male non vien per nuocere!” Forzi a ra fin fina Roccu farà giudiziu e
puru Ntoni. Sugnu sicuru ca sta luntananza ci farà bena.
Viditi ca quandu, stancu e girara u mundu, si ‘nde torna a ra casa sua, ogni
cosa gli sembrerà cchiù bona e nun si lamenterà e tuttu comu ha fattu finu a
mò, e se ppé fortuna riuscimu ad avira ancora barchi sull’acqua e a rimintira
i letti nostri a chidda casa chi nu tempu è stata a nostra, viditi comu sarà bellu
stara seduti avanti a porta a sira, quandu tornamu stanchi, sopratuttu si a
jornata è andata bena; e vidira ancora a lucia du luma a chidda cambara, duva
aviti vistu tutti chiddi facci cari, chi aviti avutu e chi unu doppu l’atru si ‘nde
sunnu juti e nun fannu cchiù ritornu.
Mò chidda cambara è buia e a porta è sempra chiusa; è comu si chiddi chi si
‘nde su juti s’hannu mintutu a chiava intra a buggia ppé sempra…ppé
sempra…..Ntoni nun si ‘nd’avia e jira! U sapia ca eu sugnu vecchiu e si
moru puru eu sti guagliuni nun hannu cchiù nessunu.
Mena Si n’accattamu a casa du Nespulu intantu chi Ntoni è ancora luntanu,
quandu torna mancu l’immagina e ni vena a cercara cca.
Padron Ntoni C’è ancora tempu!
Anna Si Ntoni torna riccu, viditi ca a casa l’accatta iddu!
SCENA II
(Padron Ntoni, Mena, Alessi, Ntoni, Lia)
Padon Ntoni Menicé, Alessi, nun aviti sentutu? Hannu bussatu a ra porta, azativi!
Mena A chist’ura? China po’ essara?
Alessi Tu? Si propriu tu?
Padron Ntoni Dimmi ca nun staiu sonnandu?
Ntoni No! Sugnu propriu eu!
Mena Ntoni, fraticeddu meu! Comu stai?
Padron Ntoni Ntò, nun restara subra a porta! Trasa….trasa….
Chissa è stata e sempra sarà casa tua! Trasa….
Ntoni Nù, perdunatimi!
Lia Chi sta succedendu? Chi è stu chiassu?...Ntoni? Finarmenta si tornatu!
Ntoni Lia? Quasi, quasi mancu ti canuscìa, tantu si diventata randa!
Lia Giura…..Giurami ca nun parti cchiù….giura….
Ntoni Giuru!
Lia Scrucia cca!
62