I MALAVOGLIA - Kesiev

Armenu sta guagliuna nun spenda chiddu pocu e dota chi tena, accattandu
collani e maccaturi e sita e tutti culuri.
Mena, da quandu è morta mammasa, u maccatura ci l’ha niguru e nun ha mai
mintutu mancu u nasu a ra finestra.
E poi ha da badara a Lia e a ra casa. E’ idda chi va a ra funtana, a ru lavatoiu
e a portara u pana all’omini, quandu sunnu a ra jornata, cosicché nun è cchiù
comu sant’Agata sempra a ru tilaru, pecchì moni nun ha cchiù tempu mancu
ma mora sta povara guagliuna!
ATTO QUINTO
SCENA I
(Alessi, Nunziata, Anna, Padron Ntoni, Mena)
Alessi U luni vai a vendemmiara da massaru Filippu?
Nunziata Si mi chiama ci vaiu cchiù che volenteri.
Alessi Sta tranquilla ca mò chi vena u tempu dell’olivi, a fatica nun ti manca.
E ti poi portara arretu puru fratitta; du’ sordi u jornu i vena a pigghiara puru
iddu e a tia ti ponnu fara comudu.
Anna Sti guagliuni ragiunanu comu si averranu già i capiddi janchi!
Padron Ntoni Hannu imparatu troppu prestu cos’è a vita pecchì ‘nd’hannu già visti tanti.
Alessi Mi voi a mia, quandu diventu randa?
Nunziata C’è tantu tempu ancora.
Alessi Si c’è tempu, ma è megghiu si ci penzamu, accussì eu sacciu già chiddu chi
aiu e fara. Prima s’ha da maritara Mena e poi Lia, quandu sarà cchiù randa
naturarmenta.
Lia vò già i vestiti longhi e i maccaturi ccu i rosi.
Puru tu hai e sistemara i frati toi…..Bisogna arrivara ad accattara ‘na barca
e poi a barca ci aiuterà a comprara a casa du Nespulu. A mia a casa nun mi
dispiacia affattu. A chidda casa eu pozzu girara ad occhi chiusi senza sbattira
u nasu cuntra u muru; e poi c’è u cortila tantu randa, duva potimu sistemara
tutti l’attrezzi e a du’ passi c’è u mara. Poi quandu i soru mei si sunnu
accasati, u nunnu vena a stara ccu nui, u mintimu a ra cambara randa pecchì
ci trasa u sula e quandu nun po’ cchiù venira a mara, si po’ sedira davanti
a porta. Nui, invecia, ni pigghiamu a cambara vicinu l’ortu. Ti piacia?
Accussì c’hai a cucina vicina e tutti i cosi a portata e manu, nun è veru?
Poi quandu torna Ntoni, sta cambara ci a dunamu a iddu e nui ni ‘nde jamu a
ru solaiu e tu nun hai atru ca fara ‘na scalicedda ppé scindira a ra cucina e
all’ortu.
Nunziata A ra cucina va rifattu u focularu. L’urtima vota chi ci cucinai a minestra,
quandu a cummara Maruzza bon’anima nun avia animu e fara nenta, mancu
ma si fa a crucia ppé i troppi dispiaciri, a cassarola l’aviamu appoiara subra
i petri.
Alessi Sì, u sacciu! Però puru tu comu a mia poi girara a ru scuru a ra casa du
Nespulu ppé quanti voti ci si stata. A mamma dicia sempra ca si ‘na
guagliuna troppu brava.
Nunziata All’ortu Campana e lignu c’ha mintutu sulu i cipuddi e sunnu venuti grossi
comu portugalli.
Alessi A ttia ti piacianu i cipuddi?
61