I MALAVOGLIA - Kesiev

SCENA VII
(Pedepapera, Padron Cipolla, Padron Ntoni, figlio della Locca)
Pedepapera Cumpara Nto’, aviti fattu ‘n affara cu i luppini, ‘n affata d’oru.
U zu Crocifissu parìa ca u spinnavanu; ma eu ci sugnu abituatu e nun ci fazzu
fazzu cchiù casu. E poi, dicimu a veritù, u vecchiu pinni ci ‘nda tanti.
Padron Cipolla Allora è riuscitu a ‘mbrogghiara puru vui?
Padron Ntoni Ma chi jati dicendu?! U cumpara Gustinu è nu veru amicu.
Pedepapera Verissimu! Eu ppé u cumpara Ntoni mi jettu puru e ‘na timpa, si è necessariu.
Si u zu Crocifissu si fida e mia, è pecchì sugnu ‘n ottimu sensala.
Padron Ntoni Soprattuttu onestu! Vu pozzu garantira eu!
Padron Cipolla Campana e lignu senza e vui nun è capacia mancu si pulizza u nasu.
Dicu bena, cumpara Gustì?
Pedepapera Ppé forza, sugnu eu chi ci fazzu fara boni affari.
Figlio Locca Eu e u zu Crocifisso simu parenti stritti, pecchì, comu sapiti, è frata a ra
mamma, ed è ppé chissu chi quandu vaiu a ra jornata sutta e iddu, mi duna
sempra menza paga e nenta vinu.
Pepedapera Figghiarè, u fa ppé u bena toi; nun ti mbriachi e quandu mora ti dassa chiù
sordi. Siete d’accordu cu mia?.... Aviti vistu massaru Filippu passa e spassa
davanti all’osteria, aspettandu u signala da Monaca ppé jira a ra stadda e dira
‘nzema u santu Rosaru…….
Ziuta a jettatu l’occhiu subra a Chiusa e cuginatta; spera ma a paga a mità
du valora reala. ‘Na vera ruberia! Ma si a Vespa è furba abbastanza, comu
sembra, si fa spusara e tu, povaru Cristo, ci perdi nun sulu l’eredità, ma puru
u vinu e a paga chi nun ti duna!.......Dicu bena, cumpara Nto’?
Padron Ntoni Ma no, u zu Crocifissu alla fin fina è nu cristianu e nun penzu propriu ca u
sennu soi ci l’hannu mangiatu i cani…. No, no, nun è possibila, ca ppé ‘na
Chiusa si spusa cu a figghia du frata.
Pedepapera Sapiti chi c’intra nu cristianu cu nu turcu? No! Allora, vu dicu eu cu paroli
semplici semplici, chiari chiari; Campana e Lignu, cioè u zu Crocifissu è
riccu conu nu porceddu e a Vespa nun tena atru ca chidda Chiusa randa
quantu nu maccatura e nasu.
Padron Cipolla Mu diciti a mia? A Chiusa da Vespa confina cu a vigna mia.
Pedepapera Vui chiamati vigna chiddi quattru pedi e ficundianari?
Padron Cipolla Forzi vui nun u sapiti, ma ‘nmenzu ai ficundianari ci sunnu i viti e si San
Franciscu manda na bedda chiovuta, viditi chi vinu vi fazzu assaggiara!
Guardati, si sta già annevulandu.
Padron Ntoni Allora avimu ventu a ponenta.
Pedepapera Cca china a vò cotta, china a vò cruda!
U cumpara Fortunatu vò l’acqua ppé a vigna, cumpara Ntoni u ventu e
ponenta ‘n poppa a ra Provvidenza! Canusciti u proverbiu: mara crespu,
ventu friscu! Guardati i stelli comu su lucenti, ciò vor dira ca a menzannotta
u ventu cangia. Sentiti chi buffata!
Padron Ntoni Si prima da menzannotta a Provvidenza ha già passatu capu di Mulini, simu a
postu: u ventu friscu nun ci dà cchiù fastidiu.
Figlio Locca (Parla sottovoce) Padron Ntoni nun penza ad atru ca a ra barca sua e si nun si
parra e cosi chi u riguardanu perzonarmenta a ra converzaziona ci sta comu
nu manicu e scupa.
Pedepapera Cumpara Ntò, vui v’averravu e mintira cu chiddi da spezeria, duva si parra
6