I MALAVOGLIA - Kesiev

continuamenta bisognu d’essara arrepezzata.
Quandu torna Ntoni, nd’accattamu una nova, e puru chissa a chiamamu
Provvidenza. Allora chi dici, a vindimu?
Mena Sì!....Sì!...Penzu ca chissa è a cosa migliora!
SCENA XVI
(Padron Ntoni, Pedepapera, Zio Crocifisso)
Padron Ntoni Cumpà, avimu decisu e vindira a Provvidenza, si ppé casu sentiti dira
ca c’è ‘ncunu chi a vò…..
Pedepapera Ma china voliti ma si l’accatta? E’ bona sulu ma ‘nd’attizzati u focu.
Si vidanu benissimu i toppi sutta l’impiciatura nova.
A barca vostra è comu certi mali fimmini, chi canusciu eu; sutta u corsettu
hannu du’ minni chi sembranu ‘na vertula vacanta. E poi stu misteri va mala
e nun sulu a vui; tanti, chiuttostu ca accattara ‘na barca, preferiscianu vindira
a loru e cchiù nova da Provvidenza vostra.
A padron Cipolla nun interessanu certi vecchiumi; a ru zu Crocifissu forzi,
ma a stu momentu Campana e lignu ci ha atru ppé a capu ccu chidda strolaca
da Vespa, chi curra arretu a tutti i scapuli du paisa.
Comunqua ppé a santa amicizia chi ci liga provu ma ci parru eu e si u beccu
a ru momentu giustu, speru, anzi, sugnu sicuru mu convinciu.
U sapiti puru vui ca eu u zu Crocifissu o votu e ru giru comu vogghiu eu….
Parri du diavulu……Jamu ca parramu ‘nzema…
Padron Ntoni E’ megghiu si ci parrati vui; eu v’aspettu cca.
Pedepapera Zu Crocifì, propriu a vui cercavu….
Zio Crocifisso Pecchì?
Pedepapera U voliti fara ‘n’affara? Padron Ntoni vò vindira a barca ed eu aiu penzatu
ca a vui vi po’ interessara…
Zio Crocifisso No, ca nun m’interessa.
Pedepapera Nun scappatira! Armenu stavitimi a sentira!
Zio Crocifisso V’aiu dittu ca nun m’interessa, perciò dassatimi stara!
Pedepapera Siti propriu ‘na bestia, si vi dassati scappara st’occasiona!
Padron Ntoni a vinda ppé troppu bisognu, ppé nu morzu e pana; mò chi
u neputa si ‘nde jutu chissà duva, Padron Ntoni a vinda pecchì nun po’ tirara
avanti. Vui a poterravu dara in manu a cumpara Nunziu e a ru figghiu da
Locca, chi moranu e fama e chissi s’accontentanu e ‘na miseria.
Sì, siti ‘na bestia, vu dicu e vu ripetu! A barca è comu si fussa nova.
Sentiti a mia, chissu è ‘n’affara d’oru comu chiddu di luppini.
Zio Crocifisso E st’affara a mia nun mi ‘nde frica nenta. Vui mancu v’ immaginati chiddu
chi tegnu chiusu cca! Tutti mi vonnu sucara u sangu comu tanti sanguisuchi.
Mò puru Vanni Pizzutu va arretu a ra Vespa.
Tutti comu tanti cani e caccia; eccu chiddu chi sembranu!
Pedepapera E pigghiativilla vui a Vespa! Infina, nun è sangu vostru idda e a Chiusa sua?
Nun è certu ‘na vucca e chiù da sfamara, no? Sta fimmina ha i mani
beneditti! ! No, nun ci u perditi u pana chi ci dati, anzi…..Penzati, potiti
avira a Chiusa e ‘na serva in casa senza ma pagati. Zu Crocifì, chissu è
‘n atru affara comu chiddu di luppini….Allora, va pigghiati a Provvidenza?
Zio Crocifisso Vogghiu ma ci penzu.
Pedepapera Cchiù che giustu!
Padron Ntoni Chi ha dittu?
59