I MALAVOGLIA - Kesiev

passa u tempu a guardara u cielu e a dira Avemarii e patrannostri ppé a vigna
sua ad ogni nuvula chi passa. E u zu Crocifissu chi si leva u pana da vucca ppé
accumulara sordi ed è sempra a liticara ccu chissu e ccu chiddu.E tu pensi chi
sti du’ foristeri nun hannu puru iddi i guai loru? Chissà si quandu tornanu a
ru paisa loru, trovanu ancora i mammi chi l’aspettanu subra a porta di casi
loru? Nui, si arrivamu a ricomprara a casa du Nespulu, e avimu granu e favi
ppé u vernu e avimu maritatu Mena, chi ni po’ mancara cchiù? E poi quandu
eu sugnu sutta a terra e chiddu povaru vecchiu e nunnuta sarà mortu puru
iddu e Alessi si po’ guadagnara u pana soi, allora ti ‘nde poi jira duva voi.
Ma allora, tu nun ti ‘nde vai, tu dicu eu, pecchì avrai compresu chiddu chi
tutti nui aviamu intra u pettu, quandu ti vidiamu ostinatu a volira dassara
sta casa, oppuru continuavamu a fara i soliti faccendi senza mai dira nenta a
tia. Allora sugnu sicura ca nun avrai cora e dassara stu paisa, duva si natu e
crisciutu, duva i morti toi riposanu sutta chiddu marmuru davanti l’artaru
dell’Addolorata, chi s’è fattu lisciu tanti ci si sunnu ‘nginocchiati subra.
SCENA XIII
(Anna e donne che l’ascoltano)
Anna ‘Na disgrazza ancora cchiù randa colpìu i Malavoglia!
Maruzza morìu ppé u colera e nessunu ficia visita a ra morta.
Perfinu don Giammaria ppè spruzzara nu pocu d’acqua santa, si
fermau subra u limitaru da porta.
SCENA XIV
‘Ntoni, Padron Ntoni, Mena, Nunziata, Alessi, Lia)
Ntoni Mò e tutti i sordi chi ccu fatica simu riusciti a mintira e banda, è rimastu ben
pocu, accussì nun potimu jira avanti; l’unica cosa è fara a valigia e partira; eu
nun vogghiu restara ‘n menzu a tutta chidda miseria, duva è morta mammama.
Padron Ntoni Nun ti ricordi ca mammata t’ha raccumandatu Mena e i fraticeddi toi?
Tu scordasti chissu?
Ntoni Chi aiutu pozzu dara a Mena e a tutti vui, si restu cca? Dicitimillu vui!
Mena A mia nun mi ‘nde ‘mporta e l’aiutu chi ni poi dara. L’importanta è ca nun
ni dassi suli, mò chi nun c’è cchiù a mamma, mi sentu comu nu piscia fora
dall’acqua e nun m’importa cchiù e nenta.
Mi dispiacia sulu ppé chidda povara orfanedda, chi si ti ’nde vai, resta sula
senza nessunu, propriu comu Nunziata, da quandu u patra spariu ppé chissa
duva.
Ntoni No!....No!.....Eu nun vi pozzu aiutara, si nun tegnu nenta! U proverbiu dicia:
“Aiutati, ca Diu t’aiuta!” Quando avrò guadagnatu nu pocu e sordi, allora sta
tranquilla ca eu ritornu.
Padron Nroni Ora nun hai cchiù né patra, né mamma, perciò si liberu ma fai chiddu chi voi.
Finu a quandu campu eu, ai guagliunu ci penzu eu. Poi, quandu nun ci sarò
cchiù, u Signura farà u restu.
Mena Ntoni, luntanu e cca sarai sulu comu u cumpara Alfiu e nessunu, nun ci sarà
nessunu chi si pigghia cura e tia…
57