I MALAVOGLIA - Kesiev

giuvana e tia e aiu sempra fattu u dovera meu, senza paura e senza brontolara
e u fazzu ancora e pregu Diu d’aiutarmi a farlo ancora, sempra, finu a quandu
l’occhi mei sarannu aperti, comu l’hannu fattu patritta e fratitta Luca, chi nun
hannu avutu paura a fara u dovera loro; puru mammata ha sempre fattu
u dovera soi, povara fimmina, chiusa tra chiddi quattru mura, nun sai, mancu
immagini quanti lacrimi ha versatu e quanti ne sta versandu, mò chi tu voi
ma ti ‘nde vai. U sa sulu Mena, chi trova tuttu i matini u lenzolu vagnatu
fradiciu. E con tutto ciò, sta queta e mancu parra e tutti sti cosi chi ti passanu
ppé a menta. Puru idda s’è sempra aiutata e ha faticatu comu ‘na formica;
nun ha fattu atru in tutta a vita sua. Certu, nun s’aspettava ‘na cosa del
genera, quandu t’allattava e quandu nun ti sapivi ancora abbuttunara a
vrachetta, pecchì allora nun ti era venutu in menta a tentaziona d’andara in
giru stu mundu mundu. comu nu zingaru.
SCENA XII
(Maruzza, Ntoni)
Maruzza Ntò, chi teni? Dimmillu a mia!
Ntoni Eu nun tegnu nenta!
Maruzza Ntò, a mammata ci u po’ dira!
Ntoni Ebbena tegnu ca u nunnu e tutti l’atri vonnu a pedda mia ed eu nun de
pozzu cchiù! Vogghiu partira, vogghiu andara in cerca e fortuna comu tanti
atri. A verità è ca mi sentu comu u ciucciu du cumpara Alfiu, tala e quala.
Appena si fa jornu allungu u coddu ppé vidira si venanu ma mi mintanu u
bastu. Nun ‘nde pozzu chiù!
Maruzza Senti, si vò partira, vai, nessunu ti trattena, ma teni presenta ‘na cosa, quandu
torni, nun mi troverai; eu mi sentu vecchia e tantu stanca e nun sacciu si ci a
fazzu a sopportara st’atru dispiacira.
Ntoni V’assicuru ca tornu prestu e caricu e dinari e finarmenta saremu tutti
cuntenti.
Maruzza No!...No, mi sentu vecchia……Guardami in faccia; nun tegnu cchiù mancu a
forza ma ciangiu, comu quandu mi portaru a cattiva notizza e patritta e di Luca,
ma allora eru ancora giuvana; mò quandu vaiu a ru lavatoiu, a sira tornu a ra
casa stanca chi nun ‘nde pozzu chiù; no, figghiu meu, nun sugnu chiù chidda e
‘na vota! Puru u cora si ‘nde va pezzu pezzu comu ‘na roba vecchia.
Mò mi manca u coraggiu e ogni cosa mi fa paura.
Tu si voi, vattinda, ma prima dassami chiudira l’occhi ppè sempra.
A casa a pocu a pocu si sta svotandu e quandu puru u povaru vecchiu e
nunnuta, si ‘nde va, in quali mani resterannu chiddi povari orfaneddi?
Oh, Madonna mia Addolorata! Nun mi ci fara penzara!
Ntoni No!.....No! Nun partu, si vui nun voliti! Nun mi dicitira sti cosi! Bena, fazzu
comu voliti vui! Vaiu avanti a fara comu u ciucciu du cumpara Alfiu; e
quandu nun ‘nde pò chiù e tirara u carrettu, u dassanu crepara intra nu fossu.
Siti cuntenta? Mà, nun ciangitira cchiù! Viditi comu u nunnu si è arrabattatu
ogni jornu da vita sua e ancora nonostanta l’età si arrabatta ancora, comu si
fussa u primu jornu ppé venira fora e stu pantanu. Eccu, comu simu destinati!
Maruzza Tu cridi ca guai nun d’avimu tutti? “Ogni buco ha il suo chiodo, chi l’ha
vecchio e chi l’ha nuovo!” Guarda Padron Cipolla, nun fa che currira arretu
a chiddu vrocculu e Brasi, pecchì nun jetta tuttu u ben di Diu, chi ha sudatu
tutta ‘na vita, intra u foddala da Vespa. E Massaru Filippu, riccu com’è,
56