I MALAVOGLIA - Kesiev

SCENA VII
(Rocco Spatu, Vanni pizzuto, Don Franco, Pedepapera, Vespa, Donna Rosolina, ‘Ntoni, moglie di Don Franco)
Rocco Spatu A Santuzza c’ha massaru Filippu chi l’aiuta a dira l’orazioni. L’ha visti
‘nzema Pedepapera.
Vanni Pizzutu Bravu! Però puru massaru Filippu ha bsognu d’aiutu. Nun aviti vistu ca è
venutu a pregara e a strapregara don Micheli a tornara cu ‘sor Mariangela’?
Don Franco Nun vi l’avia dittu eu? Tutti accussì sti leccasanti cu u diavulu sutta i
gunneddi! Bellu, però! Dui a ‘na volta ppé fara nu paru.
Mo chi a don Micheli dannu a medagghia, viditi ca l’appendanu ‘nzema a
chidda di ‘figlia di Maria’, chi tena ‘suor Mariangela’, cioè a Santuzza; vala
a dira: a Chiesa e ra Caserma, u tronu e l’artaru sempra a stessa storia, vu
dicu eu!
Pedepapera Chissa è tutta ‘na manovra e don Silvestru, chi vo fara cadira a Zoppidda a
ri pedi soi.
Vespa Aviti sentutu puru vui chiddu chi si dicia ‘ngiru?
Donna Rosolina Chi si dicia?
Vespa Si dicia ca don Silvestru ha scommessu dudici tarì ca Barbara Zoppidda
prima o poi cada a ri pedi soi, comu na pira matura.
St’omini, tuttu uguali! Pigghiati u zu Crocifissu, tena a capu chiù tosta e nu
mulu e nun s’accorgia chi tena i pedi intra ‘na fossa. Sti scrupuli ha de fara
trasira intra a crapa e ziumma Don Giammaria.
Donna Rosolina Chi mascalzoni! Su veri mascalzoni l’omini chi lusinganu ‘na bona
guagliuna com’ a vui! Ma ci sunnu puru guagliuni chi stannu a ra finestra da
matina a ra sira cu a speranza da accalappiara u primu chi passa. Già!
Si è sempra saputu chi razza e civetta è Barbara; ma chiddu chi mi fa chiù
specia è che c’è caduta propriu na persona comu don Silbestru!
E china si l’aspettava ‘na cosa del genera. Invecia si va a cercare i guai
propriu cu a Zoppidda e cu don Micheli. E pensara ca potia avira a fortuna
ppè i mani e sa ficia scappara. E’ propriu veru! Prima e canuscira n’ominu
t’hai e mangiara sette quintali e sala.
(La Vespa esce e compara Don Silvestro)
Beatu chi si vede! Ci aviti avira troppi cosi ppé a capu, si nun vi ricordati
chiù de vecchi amici.
Don Silvestro Donna Rosolì, chi diciti? Eu ppé a capu nun ci aiu propriu nenta!
Donna Rosolina A mia, invecia, m’hannu dittu ca ci l’aviti e grandi puru! Ma, criditimi, è
‘na bestialità tala ca a capu va fannu venira grossa ppé davveru.
Don Silvestro China vi l’ha dittu?
Donna Rosolina Tuttu u paisa u dicia!
Don Silvestro E vui dassatili dira!....Ma a voliti sapira ‘na cosa? Eu, ppé mia ponnu dira
tuttu chiddu chi vonnu e si a testa mi diventa pesanta, sunnu sulu fatti mei.
Donna Rosolina Buon pro vi faccia! Chissu vor dira ca già comincia ad essara pesanta,
si mi risponditi e sta manera. ‘Na cosa del genera e vui non mi l’aspettavu
propriu; finu a mo v’aiu consideratu ‘na persona giudiziosa, peccatu ca mi
sugnu sbagliata. E comu dicianu i proverbi: “Acqua passata non macina più;”
e “buon tempo e mal tempo nun dura tutto il tempo”; dicianu puru ca: “chi
cambia la vecchia con la nuova peggio trova” e “chi piglia bellezza, piglia
corna.” Goditivi a Zoppidda in santa pacia pecchì a mia e vui nun mi ‘nde
importa propriu nenta; eu nun vogghiu ppé tuttu l’oru du mundu ma si dicia
e mia tuttu chiddu chi dicianu da Zoppidda vostra.
50