I MALAVOGLIA - Kesiev
I MALAVOGLIA - Kesiev
I MALAVOGLIA - Kesiev
Create successful ePaper yourself
Turn your PDF publications into a flip-book with our unique Google optimized e-Paper software.
Don Michele Sì, sì, mi ‘nde vaiu...mi ‘nde vaiu!<br />
Santuzza E nun ti fara chiù vidira davanti all’occhi mei!<br />
Don Michele Nun dubitara!<br />
Massaro Filippo Ma dicu eu, pecchì nun a spicciati a fara i cotrareddi e faciti pacia?<br />
Santuzza Ma nun viditi comu gira a largo ppé numma mi vida?<br />
Si vò ma si viva nu biccheri e vinu bonu, manda sempra ‘ncunu atru ma<br />
l’accatta e poi su viva da Vanni Pizzutu. Tuttu chissu significa ‘na cosa<br />
sula: ca tuttu chiddu chi si dicia in giru è veru, comu è veru Diu!<br />
No, nun de vogghiu sentira parrara mai chiù a costu e chiudira a putica<br />
e fara i cazetti.<br />
Massaro Filippo Sentimu chiddu chi dicia don Micheli….Don Miché, armenu vui chi<br />
capisciti, faciti u primu passu. Eravu tantu amici vui e a Santuzza e mò ppè<br />
‘na stupidata faciti chicchiariara i genti! …Veniti cu mia!<br />
Don Michele No!...No!.... Dassatemi stara!<br />
Vanni Pizzutu Si vida ca massaru Filippu ha bisognu d’aiutu. Chidda Santuzza si<br />
mangerebbe puru u Crocifissu!<br />
SCENA VI<br />
(Donna Rosolina, Don Giammaria, Zoppidda, Zoppiddo)<br />
Donna Rosolina Chi avia oia a Santuzza chi nun a finia chiù?<br />
Don Giammaria Nenta!<br />
Donna Rosolina E ppé nenta è rimasta cu u nasu appiccicatu a ra grata du confessionala?<br />
E voi ma ti cria?<br />
Don Giammaria No! Ma u sai ca quandu c’è u sigillu da confessiona nun pozzu parrara.<br />
Donna Rosolina Duva vai?<br />
Don Giammaria Vaiu duva a Venera Zoppidda ppé ‘n’ambasciata.<br />
Donna Rosolina Sugnu sicura ca tra a Zopidda e a Santuzza c’intra u sigillu da confessiona.<br />
Don Giammaria Chissu è tuttu! Guardativi ca chiddu chi v’aiu dittu è sutta u sigillu da<br />
confessiona! Bona giornata!<br />
Zoppidda Puru a vui! A signorina Santuzza apara bena l’oricchi: figghiama nun ha<br />
certu bisognu da roba e l’atri!<br />
Quandu passa e ca Don Micheli, u brigaderi, l’unicu desideriu chi tegnu è<br />
ma ci cacciu l’occhi cu a cunocchia. A mia nun mi spaventa a pistola chi<br />
porta subra a panza comu nu gioiellu. Eu nun mi spagnu e nessunu,<br />
speciarmenta quandu mi toccanu Barbara, u iura e l’occhi mei!<br />
L’aiu sempra dittu e u ripetu, eu a figghiama nun ci ha vogghiu dara a unu<br />
chi mangia u pana du re e fa u sbirru e tantu menu a unu chi è in peccatu<br />
mortala cu a Santuzza. Sapiti quantu mi ‘nde frica a mia, si don Giammaria<br />
a parratu sutta u sigillu da confessiona? Chiddu chi m’importa a mia è<br />
figghiama e guai a china a tocca!<br />
Zoppiddo Eu supportu, supportu, ma si mi pistanu i pedi a mia, va a finira ca fazzu<br />
nu spropositu. Eu nun mi spagnu né e don Micheli né e massaru Filippu, né<br />
di tutta a cumpagnia briscula da Santuzza.<br />
Zoppidda Vui staviti quetu! Nun aviti sentitu ca massaru Filippu nun c’intra cu sta<br />
storia?<br />
49
Change language