I MALAVOGLIA - Kesiev

Ma u nunnu nun ci rispundia. Finarmenta Ntoni a tastuni pecchì nun si
vidia e nu capu a l’atru da barca, u trovau e penzau ch’era mortu, pecchì
nun iatava cchiù e mancu si moticava. A nui nun ci restau atru ca pregara.
All’improvvisu a Provvidenza, comu nu pudditru, saddau u scogliu dei
colombi e ppé miraculu cadìu duva è siccu. I guardii chi n’avianu avvistati
eranu già a ra riva ccu i lanterni. U restu u sapiti già; mò scusatimi vaiu e viu
comu sta u nunnu.
Pedepapera Povaru guagliuna!
Grazia E tuttu chissu ppé guadagnara nu morzu e pana!
Zoppidda Stu misteri è fattu accussì, china u pratica prima o poi ci dassa i pinni. Una
chi marita ‘na figghia ccu n’ominu e mara, prima o poi sa vida tornara a ra casa
vedova e ccu orfani ppé giunta.
Vespa L’aiu sempra dittu eu china ha roba in mara, nun ha nenta! Terra a ru sula,
chissa ci vò!
Zoppidda Si nun era ppé don Micheli, sta notta di Malavoglia nun restava mancu a
simenta. Sapiti chi vi dicu, a cosa migliora è nun fara nenta, comu don
Micheli, tantu ppé fara ‘n esempiu. Guardatilu, è grassu e grossu megghiu
e nu canonicu, sempra ben vestitu e stivali lucidi. Si mangia menzu paisa
e con tuttu ciò, tutti u liscianu, perfinu u nostru caru speziala si scappella
tuttu quandu s’incontranu.
Grazia S’è fattu tardu; è megghiu si mi ricogghiu verzu a casa.
Zoppidda Aviti ragiuna, tantu nui nun ci potimu fara nenta; bona notta a tutti!
Tutti Bona notta!
SCENA II
(Padron ‘Ntoni, Maruzza, Mena, Lia, ‘Ntoni)
(i Malavoglia recitano tutti insieme il Rosario)
Padron ‘Ntoni Veniti ca, chi ha dittu u medicu? ‘Ntò, avvicinati, mo u capu da casa si tu.
Penza ca ci hai ‘na famigghia subra i spaddi…..Nun ciangira… Nun
ciangira…..Fai comu aiu fattu sempra eu e nun ti sbagli! (le donne
piangono) Quandu eu nun ci sugnu chiù, non facitira tanti spisi; u Signura
u sa ca nun potiti spendira, s’accuntenta du rosaru chi mi diciti…..Tu, Mena,
pigghia l’esempiu e mammata che è sempre stata ‘na santa donna e guai
‘nvita sua ‘nd’ ha visti tanti. Mi raccomandu, tenati sorta sutta l’aliceddi toi,
propriu comu fa a jocca cu i puricini….Sulu si v’aiutati l’unu cu l’atri i guai
vi sembrerannu menu gravi. ‘Ntoni è già ‘n’omu e prestu puru Alessi sarù
‘ngrado d’aiutarvi.
Maruzza Pà, nun parratira accussì!
Mena Nu, chi iati dicendu?
Padron ‘Ntoni Mo chi vaiu dittu chiddu chi v’avia e dira, nun m’importa si moru. Sugnu
vecchiu……Quandu finiscia l’ogghiu, u luma si spegna….Mo giratimi, ca
sugnu stancu!.....’Ntò, veni ca!
‘Ntoni Voliti nu biccheri d’acqua?
Padron ‘Ntoni T’aiu e dira ancora na cosa: a Provvidenza nun a vinditira, si no vi viditi
costretti a jira a ra jornata e nun immaginati nemmenu quantu è dura quandu
Padron Cipolla o u zu Cola vi dicianu ca nun hannu bisogno. ‘N’atra cosa,
quandu siti riusciti a mintira ‘ncunu sordiceddu e parta, faciti maritara Mena
cu unu chi fa u misteri chi facia patritta e soprattuttu cu nu bravu guagliuna..
E poi quandu aviti maritatu puru Lia, si aviti risparmiatu, accattativi a casa
46