I MALAVOGLIA - Kesiev

spessu mu vidimu e chiddi paraggi; ma iddu appena ni vida s’ammuccia
arretu nu muru o intra i ficundianari.
Padron Cipolla E i Malavoglia chi fannu?
Zoppiddu E china i vida, si ’nde stannu sempra chiusi, comu i virdeddi intra u gusciu.
A dominica vannu finu ad Aci Castello ma si sentanu a Missa.
SCENA XII
(Anna, Grazia, Nunziata)
Anna Mò va a finira ca chidda povara e sant’Agata nun a vò cchiù nessunu e resta
a ra casa schetta a fare u spicuna propriu comu i figghioleddi mei chi nun
tenanu a dota. Chissu è u destinu di povari!
Grazia E penzara ca eu stessa ci avia spartutu i capiddi!
Anna Menicedda però è tranquilla; penzati ca idda stessa s’ha mintutu a spadina
d’argentu ‘nmenzu i trizzi.
Grazia Sugnu propriu cuntenta. Eu vulerra ma vaiu mi trovu, ma doppu chiddu
bruttu tiru chi ci jocau maritumma, mi para troppu scornu. Nun immaginati
nemmenu a rabbia chi mi fa quandu mi dicia: “ma a tia e sti genti chi ti ‘nde
frica? Dassali stara, ormai nun hannu cchiù né re né regnu, comu si dicia,.”
Ma a mia mi dispiacia tantissimu.
Ormai su tanti i disgrazzi chi una doppu l’atra corpiscianu sta famigghia.
Anna Puru eu vulerra ma vaiu mi trovu, ma ci aiu ‘na casa e mandara avanti e
tempu, criditimi, nun ‘nde trovu mancu ma moru.
Nunziata Eu ci vaiu ogni tantu, ma chi voliti? Eu aiu e badara ai fraticeddi mei.
Grazia Hai ragiuna!
SCENA XIII
(Zoppidda, Zoppiddu Ntoni, Barbara)
Zoppidda Beddu meu, chissa è a vita! Ognunu s’ha da fara prima l’affari soi e poi
chiddi e l’atri, rendu l’idea?
Nunnuta nun ti dà nenta, quindi, mi domandu e dicu, tu chi obblighi hai
verzu i toi? Si ti ‘nzuri chiddu chi guadagni, u guadagni ppé a famigghia tua.
“Centu mani Diu li benedisse, ma nun tutti a ru stessu piattu.”
Ntoni Bella cosa chissa! I parenti mei sunnu ‘n menzu a ‘na strata e vui mi diciti ma
l’abbandunu puru eu. Comu penzati ca u nunnu si l’abbandunu, po’ fara
andara avanti a Provvidenza e dara da mangiara a tanti vucchi?
Zoppidda Figghiaré, chissi nun sugnu fatti mei!
Ntoni Sunnu i mei, però!
Zoppidda Allora sbrigativilla vuatri, eu nun vi vogghiu intracara.
Però teniti bena in menta ca eu a figghiama nun l’aiu trovata ‘nmenzu a ‘na
strata! Pozzu chiudira l’occhi a ru fattu ca siti povaru ‘n canna, sulu pecchì
siti giuvana e canusciti puru u mesteri vostru e perciò u lavoru nun vi po’
mancara. Maleditta guerra chi si scupa i megghiu giuvani du paisa!
E vistu ca i mariti scarzeggianu, n’avimu accuntentara e chiddu chi passa u
cumbentu. Però si eu dugnu a dota a figghiama, nun vogghiu ma va pappati
ccu tutta a famigghia vostra. Sta cosa a mia nun mi va propriu a geniu. Eu a
Barbara vogghiu dara nu sulu maritu, no cincu o sei. Sugnu stata chiara
abbastanza?
42