I MALAVOGLIA - Kesiev

Pedepapera Mi vo’ dara ancora ‘n accontu.
Zio Crocifisso Quala accontu? St’annu nun aiu ancora vistu nu centesimu d’interessi.
Finu a mò m’ha datu sulu du’ centu liri, ma chissi nun bastanu mancu ppè
i spisi. Comunqua ‘na cosa è certa. Mò vi dicia d’aspettara a raccolta e
l’olivi, poi d’aspettara finu a Natale, poi finu a Pasqua-
Pedepapera Nun vi preoccupatira! Ei ci l’aiu dittu chiaru e tundu ca nun intendu aspettara
mancu nu jornu e chiùi da data stabilita. Poi vaiu duva l’avvocatu.
Zio Crocifisso Sta genta nun u vò capira ca eu a roba mia mi l’aiu fatta sudandu sangu.
Mò unu è ‘n Paradisu, pacia all’anima sua, e l’atru vo’ a Zoppidda, eu mi
domandu china po’ fara andara avanti sta barca, chi a malapena sta a galla.
E nun basta, vonnu puru spusara Mena. Sti guagliuni nun penzanu ad atru ca
ma si maritanu; sembranu ca tenanu u focareddu a menzu l’anchi, comu a
neputa mia del resto; sugnu sicuru ca nun appena sant’Agata si spusa, Alfio
Mosca torna e si pigghia a Vespa e a Chiusa.
SCENA X
(Padron Ntoni, Maruzza, Pedepapera, Zio Crocifisso, Muratore, Vespa)
Padron Ntoni Marù, iamuninda! Oia o domana è a stessa cosa! Ormai sta casa nun ci
appartena cchiù!
Pedepapera Cumpara Ntò, chi voliti, puru eu sugnu nu povaru diavulu, ppé chissu sugnu
statu costrettu ma ci a vindu a ru zu Crocifissu. Eu e Grazia nun campamu
d’aria e cincu centu liri ci fannu comudu. Si aviavu vui i sordi, a vindia a vui
cchiù che volenteri.
Zio Crocifisso (al muratore) Allora, chi mi diciti?
Muratore Va cambiatu nu travu, du’ finestri vannu riparati e poi va ianchiata.
Vespa U sangu nun è acqua e a roba du ziu ci l’aiu a cora, comu du restu
a ru zu Crocefissu ci sta a cora a Chiusa mia. Comu viditi a porta d’Alfiu
Mosca è chiusa ccu u catinazzu…Speru tantu ca chissu serva ma vi fa capira
ca eu nun u penzu cchiù, perciò staviti tranquillu, mintitivi u cora in pacia.
Zio Crocifisso U cora meu è in pacia, ti l’assicuru.
SCENA XI
(Padron Cipolla, Zoppiddu)
Padron Cipolla Doppu sta bella figura chi m’ha fattu fara, Padron Ntoni ccu mia ha chiusu.
Zuppiddu E’ propriu chiddu chi dicia mugghieramma. Dicia ca oia comu oia di
Malavoglia mancu i cani ‘nde vonnu.
Padron Cipolla Chiddu scimunitu e figghiumma pista i pedi ca vò Menicedda, pecchì, dicia,
ca eu ci l’avia promintuta; mi sembra nu picciuliddu davanti a ‘na
bancaredda e giocattuli. Ma eu ci u dicu e ci u ripetu ca eu a roba mia nun
l’aiu arrobata, perciò nun a jettu a mara ccu china nun tena mancu a
cammisa ‘ncoddu. E iddu sapiti chi fa?
Zoppiddu No, dicitimi!
Padron Cipolla Va a stanara lucerti oppuru si ‘nde sta sedutu subra u murettu du lavatoiu.
Zoppiddu Oppuru passa e spassa da ruga mia!
Padron Cipolla Chi voliti dira?
Zoppiddu Mò chi i Malavoglia abitanu vicinu a nui, a mia e a mugghieramma ni capita
41