I MALAVOGLIA - Kesiev

Anna Marù, t’ha scrittu Luca?
Maruzza No!
Grazia E’ tantu chi nun aviti soi notizi?
Maruzza E’ tantu chi mancu mi ricordu cchiù quandu è arrivata l’urtima cartolina.
Anna Tu e u zu ‘Ntoni averravu e jira a Catania. Di sicuru vi saprannu dira ‘ncuna
cosa!
Maruzza Sì, sì, aviti ragiuna; mò parru ccu u sociaru meu e viu chiddu chi dicia
SCENA VIII
(Anna, Maruzza, Grazia, Zoppidda, Zoppiddu,‘Ntoni, Barbara)
Anna Marù, chi c’è? Chi vannu dittu?
Maruzza Ppè certi genti u sangu di povari figghi e mamma è acqua.
Grazia Voliti dira?
Maruzza Su cchiù e quaranta jorna ormai e nessunu, dicu nessunu, si è degnatu ma
m’avverta! Iddi mandanu a cartolina sulu quandu hannu bisognu e nu
guagliuna, poi quandu……. (rientra a casa piangendo)
Anna Povara fimmina, sembra a Madonna Addolorata!
Zoppidda Ci mancava atru! Mò tutta a famigghia è subra i spaddi du povaru Ntoni.
Sta vota però ‘na figghia e mamma ci penza non una, ma centu voti prima ma
su pia ppé maritu!
Zoppiddu Volerra ma sacciu pecchì ci l’hai tantu ccu stu povaru guagliuna.
Zoppidda Vui è megghiu si nun parrati, pecchì e certi cosi vui nun ‘nde sapiti propriu
nenta! A mia perzonarmenta certi pasticci nun mi piacianu; chissi sunnu affari
chi nun vi riguardanu, perciò vui penzati a faticara, a ru restu ci penzu eu!
Zoppiddu Povaru Ntoni! Eu ci l’aiu dittu: Barbara è tutta mammasa e si nun sta attentu
su minta sutta i pedi du primu iornu comu ha fattu Venera ccu mia.
Ntoni M’ha dittu u nunnu ca doppu chi si spusa Mena, a nui ci duna a cambara e
subra.
Barbara Eu nun sugnu abituata a stara a ri cambari e subra comu i palumbi…..E poi
maritati e muli vonnu stara suli.
Zoppidda Prima ca figghiama va a dormira nella stanza dei colombi, vogghiu ma
sacciu a china resta a casa e soprattuttu vogghiu vidira comu va a finira
a storia di luppini.
SCENA IX
(Pedepapera, Padron Ntoni, Zio Crocifisso, un muratore, Vespa)
Pedepapera Padron Ntoni vi ricordu ca san Giuanni è vicinu.
Padron Ntoni U sacciu, u sacciu! Purtroppu nun sugnu in condizioni e pagara tuttu u
debitu; vi pozzu dara ‘n’atru accontu; speru a ra raccolta e l’olivi saldara
a differenza.
Pedepapera Cumpara meu, dimenticati ca eu sti sordi mi l’aiu cacciati da vucca e nun
pozzu certu campara d’aria finu a ra raccolta e l’olivi. A mia mi dispiacia
assai, ma chi voliti, eu fazzu comu san Giuseppi, prima si ficia a varva sua
poi chidda e tutti l’atri. Viditi, si eu fusserra riccu comu u zu Crocifissu, vi
giuru ca ci minterra ‘na petra subra.
Padron Ntoni Vidimu chiddu chi pozzu fara. Arrivederci!
Zio Crocifisso Allora chi fa? Paga?
40