I MALAVOGLIA - Kesiev

Don Silvestro ‘Na battaglia.
Zio Crocifisso China ha perdutu?
Don Franco L’Italia ha perdutu; cioè, eu, vui…
Zio Crocifisso Eu nun aiu perdutu nenta!
Mò a cosa riguarda u cumpara Gustinu, iddu sa comu mintira a postu ogni
cosa.
Padron Cipolla Sapiti com’è? E’ comu quandu u Comuna d’Aci Trezza liticava ppé u
territoriu ccu u Comuna d’Aci Castello. A mia e a vui chi mi ‘nde vinna intra a
buggia?
Don Franco Vi ‘nde vinna….vi ‘nde vinna, ca siti tanti bestii.
Mangiacarrubbe U bruttu e ppé tanti povari mammi quandu perdanu ‘nu figgiu!
I° Soldato Mò vu dicu eu ccu paroli semplici semplici com’è ‘na battaglia.
E’ comu a ra putica quandu u vinu vi duna a ra capu. Allora comincianu a
vulara biccheri, bottigghi e tutto chiddu chi vi capita intra i manu.
L’aviti vista ‘ncuna vota ’na scena simila? Bena, è tala e quala! Prima
quandu staviti sull’impagliettatura ccu a carabina ‘mpugnu e in silenziu, nun
sentiti nent’atru ca u rumora da machina e chiddu pumf, pumf u sentiti cca,
intra u stomacu. Nent’atru! Poi a ra prima cannunata incomincia u
parapigghia e puru a vui vi vena tanta voglia e ballara chi mancu i catini vi
tenanu fermi; propriu comu quandu all’osteria sonanu u violinu doppu chi
aviti mangiatu e vivutu. Allora allungati a carabina e sparati a ogni cristianu
chi viditi. A battaglia e terra è tutta ‘n’atra cosa. Nu bersaglieri chi tornava
ccu nui a Messina ha dittu ca quandu si sentia u pimf pamf di fucili, si
sentia i gambi pizzicara da gulia chi li venia ma si jettava in avanti a capu e
coddu.
Rocco Spatu Ppé a Madonna! Chi bellezza si c’eru puru eu! Se c’è da dara quattru pugni,
nun mi tiru mai arretu!
II° Soldato A nava ‘Palestro’ invecia è saddata all’aria e vrusciava comu ‘na catasta e
ligna e i vampi eranu tantu addi chi arrivavanu a ru pinnaculu e l’alberu
maestru. U comandanta nostru ci domandau si avianu bisognu e ‘ncuna
cosa. Dissaru ca no, orgogliosamenta! E poi a nava nun si videtta cchiù.
Rocco Spatu Chissa e morira arrustutu nun mi piacia propriu, però si c’è da fara a pugni
vi ripetu, sugnu sempra prontu!
Santuzza Povari guagliuni! Facitili venira ca; nu biccheri e vinu, e chiddu bonu, ci vò
propriu doppu tanta strata e tanta sofferenza.
Vanni Pizzutu ccu l’erba bianca i genti l’avvelena e mancu si cumpessa.
Certi genti a cuscenza sa mintanu sutta i pedi.
Padron Cipolla A mia st’ omini mi sembranu tanti pacci. Don Silvè, si a vui per esempiu,
ammessu e nun concessu, u re vi dicia: “tu t’hai e fara ammazzara a ru postu
meu”, chi faciti, accettati?
Don Silvestro I sordati nun hannu curpa e tantu menu su pacci….Aviti e sapira ca a ri
spaddi e ogni sordatu c’è nu capurala ccu u fucila carricu e si u sordatu cerca
ma scappa, u capurala gli spara peju ca a nu beccaficu.
Padron Cipolla Si è successu, nun discutu! Comunqua restu e l’idea ca chissa è ‘na
bricconata bella e bona! (Poi, rivolgendosi a Zio Crocifisso)
Povari Malavoglia, u Signura ma ci a manda bona: sembranu adocchiati!
SCENA VII
(Anna, Maruzza, Grazia)
39