I MALAVOGLIA - Kesiev

Si a mala pena s’aza, a tramuntana sa porta via; è sulu da vidira, quandu
soffia sta tramuntana!
Pedepapera Aspettati e viditi! Aviti pacenza! U tempu nun è sempra bellu e prima o poi
u ventu i fraschi se li porta aria aria!
Vespa Speriamu!
Pedepapera A propositu, oja stessu vogghiu parrara ccu Campana e Lignu e sta faccenda.
Ciao!
Vespa Arrivederci!
Pedepapera Parri du diavulu….
Zio Crocifisso Chi voliti e mia?
Pedepapera Aiu sentutu dira ca vi vonnu fara sindacu, è veru?
Zio Crocifisso E v’hannu puru dittu c’aiu rifiutatu=
Pedepapera Sì! Ma pecchì? Secundu mia aviavu accettara!
Zio Crocifisso Bravu! E l’affari mei china mi fa? Eu penzu a ri fatti mei…Padron Ntoni,
invecia, penza a maritara a neputa; l’hannu vistu spessu ‘nzema a Padron
Cipolla….Sì, l’ha vistu a zu Santoru, e ha vistu puru vui tenira a candila
a neputamma e ad Alfiu Mosca, chiddu spiantatu bonu a nenta, cchiù ciucciu
du ciucciu soi e pretenda ma si pia a Chiusa mia.
Pedepapera Sa pia, sa pia, vu dicu eu! Gridati quantu vuliti, faciti puru u diavulu
‘n quattru, si l’arraffa iddu e sapiti pecchì? Pecchì a Vespa è cotta comu ‘na pira
matura e ci sta sempra a ri carcagni. E si eu nun ci sbattu a porta in faccia
ogni vota chi vena a fara quattru chiacchiari cu mugghieramma, è sulu ed
esclusivamenta ppé rispettu vostru, pecchì vi sugnu amicu.
Zio Crocifisso Beddu amicu! Beddu rispettu! Nun c’è chi dira! Ma u sapiti sì o no ca
accussì mi faciti perdira a Chiusa?
Pedepapera Sicuru ca a perditi, si, comu penzu, Mena Malavoglia si spusa ccu Brasi
Cipolla, u povaru Alfiu ppé consolarsi si pia a Vespa e ra Chiusa.
Zio Crocifisso S’a po’ pigghiara puru a Diavulu, a mia nun mi ‘nde ‘mporta nenta!
Su cchiù i peccati chi mi fa fara chidda scomunicata chi nun è atru! Eu
vogghiu a roba mia, fatta cu u sangu meu, comu u sangu e Gesù Cristu, chi
c’è intra u calicia da Missa. Sembra ca a roba mia eu l’aiu arrobata e tutti fannu
a ru pigghia pigghia. Alfio Mosca, la Vespa e i Malavoglia! Ma mò u sapiti
chi fazzu, fazzu causa e mi pigghiu a casa du Nespulu.
Pedepapera Siti vui u patruna, si mi diciti e fara causa, a fazzu subitu,
Zio Crocifisso Aspettamu finu a Pasqua. Comu si dicia, l’uomo per la parola e il bue per
le corna. Ma poi voggiu essara pagatu finu all’urtimu centesimu, nun concedu
atri dilazioni, mancu si mi preganu ‘n ginocchiu.
Pedepapera Comu voliti vui!
TERZO ATTO
SCENA I
(Padron Ntoni, Padron Cipolla, Maruzza, Brasi, Anna, Grazia)
Padron Ntoni Marù, c’è u cumpara Fortunatu ccu u figghiu Brasi.
Guarda chi giovanottu chi è diventatu!
Padron Cipolla Eh, sì! I figghi criscianu e nui ci avvicinamu a ra fossa!
Maruzza Pregu…pregu… seditivi!
Vi pozzu offrira nu biccheri e vinu e du ciciari caliati? L’ha preparati Mena...
34