I MALAVOGLIA - Kesiev

Pedepapera Vidimu, vidimu chiddu chi si po’ fara! Vi salutu!
SCENA XXI
(Santuzza, Don Michele, Pedepapera, Vanni Pizzutu, Vespa, Zio Crocifisso)
Santuzza Duva siti statu stanotta a rischiara a pedda? Nun u sapiti ca si vui chiuditi
l’occhi, vi portati a ra fossa ccu vui tanti povari cristi, chi campanu comu
megghiu ponnu?
Don Michele U dovera meu duva u mintiti? Certu, ca si riusciamu ma i trovavamu ccu i manu
intra u saccu, nu atri averramu fattu nu bellu guadagnu; a percentuala subra
milli liri e roba sequestrata… Rendu l’idea?
Santuzza Nun criditira si vi dicianu ca massaru Filippu cercava di fara passara u vinu
e contrabbandu, pecchì nun è veru nenta; vu pozzu giurara subra st’abitinu
benedittu da Madonna chi portu indegnamente subra u pettu!
Nun ci criditira, su tutti menzogni e genti senza cuscienza, chi si dannanu
l’anima facendu mala a ru prossimu.
Don Michele Staviti tranquilla! Eranu maccaturi e sita, zuccaru e cafè. Ma i tegnu tutti
sutt’occhi, i controllu unu ppé unu e a prossima vota, viditi, ca nun mi
scappanu.
Pedepapera Don Miché, mi faciti cumpagnia?
Don Michele Grazzi, ma m’aiu appena pigghiatu nu cafè.
Pedepapera Vivitivi nu bicchierinu, vi fa bena a ru stomacu e a ru sonnu chi aviti perdutu!
Don Michele N’atra vota!
Vanni Pizzuto Don Miché, pecchì rifiutati? Si u cumpara Gustinu paga, vol dira ca c’ha
sordi da spendira. Ha puru accattatu u debitu di Malavoglia e mò u ripaganu
a vastunati.
Pedepapera Porca puttana, a chiddu scostumatu e Ntoni nun u mandu certu a Roma, nun
c’è bisognu e scomodara u papa; ppé fargli fara a penitenza, bastu eu.
Vanni Pizzuto Bravu! Mancu eu ci a facerra passara liscia!
Pedepapera Ci a fazzu pagara a Ntoni e a tutta a razza sua! Nun vogghiu ca tuttu u paisa
mi rida arretu i spaddi mei! Staviti tranquillu, don Miché! (esce) E’ bena
essara amici e tutti sti sbirri! Prima o poi ti rendanu u favora!
Vespa (incontrandolo mentre sta andando via)
Stavia venendu duva vui ppé vidira si a cummara Grazia c’ ha nu pocu e levatu.
Pedepapera Aiu vistu Alfio Mosca vicinu l’ortu di Padron Ntoni, chi parrava ccu a
Sant’Agata; amara a vicina, è nu gran vantaggiu, si vida spessu e nun si fa
viaggiu!
Vespa ‘Na santa d’appendira a ru muru a cummara Mena! Vu dicu eu. A vonnu
fidanzara cu Brasi Cipolla e intantu idda fa a civetta ccu chissu e ccu chiddu.
Pedepapera Dassatila fara, dassatila fara, accussì i signori omini imparanu ma a
canuscianu bona e finarmenta aparennu l’occhi. Ma u sa Alfiu ca ci a vonnu
dara a Brasi Cipolla?
Vespa U sapiti comu sunnu fatti l’omini! Si c’è ‘na fraschetta chi i guarda, e ci fa
l’occhi duci, ci vannnu arretu, ma sulu ppé passara u tempu; pecchì quandu
vonnu fara ppé davveru ‘nde cercanu una seria, una ammodu.
Pedepapera Veru, veru, u cumpara Alfiu averra e spusara una comu a vui!
Vespa Eu nun ci penzu ancora ma mi maritu, nun tegnu tutta sta prescia. Certu, ca
ccu mia nun ci perderra nenta, anzi……A ogni bon contu nu pezzu e chiusa
eu ci l’aiu e nessunu ci tena subra i vranchi comu a ra casa du Nespulu.
33