I MALAVOGLIA - Kesiev

Pedepapera ‘Na cosa del genere nun è possibila mai e poi mai! No, nun ci criu!
Don Silvestro Basta ma mi cacciu davanti tutti chiddi chi cercanu ma sa pianu, accussì
quandu nun c’è cchiù nessunu chi a vò, sugnu sicuru ca a Zoppidda ‘n perzona
mi preghera a mani giunti ma mi spusu a figghia.
Pedepapera ‘Nde sapiti una cchiù du diavulu,vui!
Don Silvestro Chidda Barbara nun ci caccia l’occhi e‘n coddu a Ntoni…Scommettimu ca
sa pigghia propriu iddu? Guardatilu dà ccu i mani intra i buggi, chi l’aspetta
a ra nesciuta da Missa.
Vanni Chi pezzu e guagliuna! Camina diritta comu nu fusu e penzara ca sa pappa
propriu chiddu citrolu e Ntoni! Chi peccatu!
Don Silvestro Però si i Malavoglia nun paganu u debitu di luppini, Pedepapera si pigghia
a casa du Nespulu e allora u povaru Ntoni, nun sa pappa propriu ppè
nenta!... Don Miché, vui chi ‘nde diciti? Puru a vui vi piacia, veru? Eh sì, sta
guagliuna fa mangiara limuni amari a tutti.
Vanni Ci vò atru ca nu cappeddu ccu a pinna!
Don Michele E’ stu cappeddu chi mi tena i mani ligati, si no facerra vidira eu a ru
signurinu china fra mia e iddu è chiddu chi tena a candila!
Don Silvestro (si avvicina a Ntoni) Staviamu parrandu propriu e vui ccu don Micheli. Sapiti
chi ha dittu? Dicia ca si nun fussa ppé rispettu da divisa chi porta, vi facerra
reggira a candila a iddu e a signorina Barbara.
Ntoni Eu e don Micheli, u brugaderi, mi ‘nde fazzu nu baffu torciutu, ci u potiti
dira. U sacciu pecchì ci l’ha tantu ccu mia. Ma iddu, prima ma parra e Ntoni
Toscano, s’ha de lavara u mussu, diciticellu. E poi ha de stara attentu a
passara e spassara davanti a ra casa di Zoppiddi, si nun si vò sciupara i scarpi
novi ppé nenta….Porta ‘n capu u berrettu gallonatu, comu si fussa ‘na corona
reala, ma u sa ca i genti si ’nde fricanu e iddu e du cappeddu gallonatu?
Diciti puru chissu!
Don Michele Chi va dittu Ntoni?
Don Silvestro Ha dittu ca prima ma parrati e iddu, v’aviti e pulizzara a vucca e ca è megghiu
ppé vui si a smettiti de passara e spassara davanti a casa di Zoppiddi. Ha
dittu puru ca iddu si ’nde frica altamenta e vui e du cappeddu gallonatu chi
portati in capu, mancu si fussa a curuna du re.
Don Michele Si Ntoni penza ca mi spaventa, si sbaglia di grossu; eu passu e spassu e
duva megghiu m’aggrada; dicitincellu a Ntoni Toscano.
Buona giornata a tutti!
Vanni Pizzuto ‘Ncunu jornu e chissi Ntoni e u brigaderi si mangianu comu pana. Ha
ragiuna don Micheli è a divisa chi porta chi ci tena i manu ligati. Chissà cosa
dunerra a Pedepapera ma ci u caccia davanti, stu citrolu!
Pedepapera Staviti parrandu e mia?
Vanni Pizzuto Sì, stavia dicendu ca don Micheli pagherra qualunqua cosa ppé avira
‘n pugnu i Malavoglia comu ci li aviti vui. Mi domandu e dicu, pecchì ci a
facistivu passara liscia a storia du pugnu chi vi ha datu Ntoni.
Don Silvestro A mastro Vanni piacerra tantu levara i castagni du focu cu l’aiutu vostru.
U sapiti puru vui ca a cummara Venera ppé a figghia nun vo né foresteri, né
divisi; accussì si riescia ma si leva da menzu i pedi puru Ntoni, resta sulu
iddu a fara u ciucciu ccu a signorina Barbara; aiu indovinatu?
Pedepapera (tra di sé) Nun u sapia, ma a stu paisa mi tenanu de cuntu.
Vanni Pizzuto (tra di sé) Chissa nun è poi ‘na cattiva idea!...
Cumpara Gustì, si vui a don Micheli ci cacciati davanti Ntoni Malavoglia,
ci faciti nu favora grandissimu e staviti sicuro ca vi sarà amicu e riconoscenta
ppé sempra; vu garantisciu eu.
32