I MALAVOGLIA - Kesiev

SCENA XVII
(Mastro Callà (sindaco), Bettina, Don Silvestro, Zoppidda, Pedepapera)
Sindaco Eu nun ci vaiu a ru comuna, si nun c’è Don Silvestru, iddu sa certamenta
trovara nu ripiegu.
Bettina U ripiegu vu trovu eu, vi l’aiu già dittu e vu ripetu: i genti nun vonnu daziu
subra a picia, bena, nenta daziu subra a picia!
Sindaco Brava, brava! Tu chi parri tantu, mi sai dira e duva pigghiamu i sordi?
Bettina E duva si pigghianu i sordi? Chissa è bella, faciti pagara a china ci ndà….
A ru zu Crocifissu, tantu ppé fara ‘n esempiu o a padron Cipolla oppure a
Peppe Nasu.
Sindaco Dimentichi ca propriu chissi sunnu i consiglieri!
Bettina Allora mandatili via, cambiatili!
Sindaco Eccu comu ragiunanu i fimmini! Tu nun sai ca sunnu propriu i consiglieri
chi fannu u sindacu e no viceversa.
Bettina Allora mandati via don Silvestru!
Sindaco E poi u segretariu u fai tu o u fazzu eu o padron Cipolla?
Bettina Faciti comu vi para e piacia, ‘na cosa è certa, u sindacu siti vui, china
comanda è Don Silvestru e chissu vi minta intra a buggia a tutti.
Sindaco A paroli simu tutti bravi, volerra ma viu a tia intra i panni mei!
Don Silvestro (appena giunto) Iamu.. Iamu…Coraggiu, viditi ca ppé sta vota nun cada
u mundu!
Zoppidda A pagara simu sempra nu’ atri, sempra a povera genta, iddi nun paganu mai!
A leggia è sempra du cchiù forta! Sì, è tutta curpa sua e di Pedepapera; ‘n atru
chi nun tena barchi e campa a ri spaddi e l’atri comu ‘na sanguisuca, tenendu
manu mò a chiussu, mò a chiddu. Ma a voliti sapira ‘na cosa? Nun è veru ca
ha accattatu u creditu du zu Crocifissu, è tutta ‘na finta, ‘na messa in scena
ppé ruvinara i Malavoglia. Pedepapera cincu centu liri nun l’ha mai visti
mancu ccu u cannocchiala, figuramuci, si l’ha toccati ccu i manu.
Pedepapera Mastro Cirì, mi faciti ‘na cortesia? chiuditi a vucca a sta vipara!
Zoppidda A vui nun vi piacia china vi dicia i cosi chiari e tundi.
Pedepapera U sapimu tutti ca chiuditi ‘n occhiu quandu Ntoni e Padron Ntoni parra ccu
Barbara.
Zoppidda Vui invecia i chiuditi tutti i dui quandu a commara Grazia fa a ruffiana,
tenendu manu a ra signorina Vespa chi vena tutti i santi jorna subra a porta
da casa vostra ppé vidira Alfio Mosca e vu’ atri ci teniti a candila.
Ma a vuliti sapira ‘na cosa? U guagliuna a Vespa mancu a vida, pecchì si c’è
una chi piacia ad Alfio Mosca è Mena Malavoglia e vui ci perditi l’ogghiu da
lanterna, si a Vespa vi l’ha promintutu.
Pedepapera Mò vegnu e ti rumpu i corna, brutta strega!
Zoppidda Se sulu ci provi, u vidi stu fusu? Guardalu bonu, pecchì si t’avvicini nun u
vidi cchiù, pecchì tu ficcu intra l’occhi.
Sindaco Oja va propriu a finira a schifiu!
Don Silvestro Chi maneri su chissi? Cca nun simu a ru mercatu di pisci! Scommettimu ca
si nun a finiti vi cacciu fora a caci tutti i dui!
Zoppidda Vidimu si hai u coraggiu!
Don Silvestro (spingendola in un angolo) Ma a vui chi vi ‘nde importa si mintanu u daziu
subra a picia? Nun l’aviti certu e pagara vui e tantu menu u maritu vostru,
u daziu u paganu tutti chiddi chi si fannu riparara i barchi…..Fa mala mastru
Tura ad essara ‘ncazzatu cu u Comuna.
29