I MALAVOGLIA - Kesiev

SCENA XIII
(Pedepapera, Padron Cipolla, Mangiacarrubbe, Zoppiddu, Zoppidda)
Pedepapera I Malavoglia hannu e pregara Diu e tutti i santi ppé fara’ na bona pesca.
Padron Cipolla Ccu i tempi chi curranu nun c’è tantu da stara allegri, sembra ca puru i pisci
hannu pigghiatu u colera.
Mangiacarrubbe Si, comu si dicia, mintanu a tassa subra u sala, i sardi ponnu stara tranquilli
ca nessunu cchiù i va a pescara.
Zoppiddu Si mintanu u daziu puru subra a picia, a mia nun mi resta atru da fara ca
chiudira a putica. China ha bisognu d’arrepezzara a barca, u po’ fara ccu a
cammisa da mugghiera.
Zoppidda U sacciu eu e chi n’è sta bella idea: chissa è l’urtima trovata e Don Silvestru;
stu figghiu e bona fimmina s’ha mintutu ‘n capu e mandara stu paisa a ra ruvina
e sapiti pecchì? Pecchì eu e figghiama sta bella perzuna nun l’avimu voluta
né ppé maritu, né comu cumpagnu a ra processiona. I genti si mangianu ppé
pana l’uni cu l’atri, vu dicu eu. E tuttu pecchì Ntoni e Padron Ntoni è
sempra attaccatu a ri gonneddi e Barbaredda mia, e chissu a don Silvestru ci
vruscia assai. L’aiu sempra dittu, eu a figghiama c’ ha dugnu a china mi pare
e piacia; ci l’aiu dittu chiaru e tundu a Mastro Callà, quandu è venutu a fara
a ‘mbasciata, l’ha vistu u zu Santoru e u po’ confermara. Ma Don Silvestru
a chiddu joala e sindacu ci fa fara chiddu chi vodi. Ma eu perzonarmenta, mi
‘nde fricu du sindacu e du segretariu.
Chi razza e cristiani, eh? Ma pecchì u daziu nun u mintanu subra a carna?
Tantu nessunu ‘nde mangia, oppuru sobra u vin; già chissu nun piacia a
Massaru Filippu ppé amuri da bella Santuzza, chi penza d’ammucciara i
porcherii cu l’abitinu da Madonna; e chiddu cornutu du zu Santoru, cu a scusa
ca nun vida, fa puru u surdu. Ognunu tira l’acqua a ru mulinu soi; comu u
cumpara Nasu, chi è chiù grassu di porceddi soi.
Certu è ca a ru comuna avimu beddi capi;ma eu a chissi a capu c’ ha staccherra
comu a ‘na sarda!
SCENA XIV
(Figlio della Locca, Mangiacarrubbe, Rocco Spatu, Cinghialenta, Vanni Pizzuto, Don Franco, Ntoni, Padron Ntoni,
Vespa)
Figlio Locca Oia ppé Santuzza è festa randa! Guardati comu trincanu!
Mangiacarrubbe ‘Nd’approfittanu finu a quandu u vinu nun aumenta a causa du dazio.
Rocco Spatu Aiu sentutu dira che doppu a picia, u sala e ru vinu, mintanu puru a tassa
subra i cavarcaturi, ditta in italianu spaccatu, del pelo.
Cinghialenta U pilu c’ u lisciu eu a sti figghi e puttana!
Vanni Pizzuto Si continuanu cu sta canzuna di tassi, cca finiscia propriu mala.
Don Franco (a bassa voce, per non farsi udire dalla moglie, che si vede sulla porta della
spezieria) A paroli è facila! E’ ura ma vi resbigghiati! U daziu subra u sala
o subra a picia nun è importanta, criditimi; chiddu chi cunta veramenta simu
nui, u populu, e ricordativi ca u populu nun ha bisognu né di re, né di regini,
pecchì è u populu chi ha da essara sovranu; perciò si nun siti ‘na massa e
pecuruni, chissu è u mumentu giustu ppé fara a rivoluziona.
26