I MALAVOGLIA - Kesiev

Alfio Ppé forza! Nun sugnu riccu comu Vanni Pizzutu, eu!
Mena Povara bestia!
Alfio Dispiacia puru a mia; viditi, si fussa in condizioni da mantenira ‘n’atra
vucca, allora mi ‘nzurerra, invecia eccumi ca, sulu comu nu cana….Mò
chi a barca è tornata a navigara,. viditi ca vi fannu spusara cu Brasi
Cipolla.
Mena U nunnu nun m’ha dittu ancora nenta!
Alfio C’è ancora tempu, finu a quandu vi maritati, chissà quanti cosi succederanni
e quanti e quali strati farò cu u carru.
Mò chi a Santuzza si fa portara u vinu da massaru Filippu, criu ca n’nde baiu
versu a chiana di Catania. M’hannu dittu ca a ra ferrovia c’è lavoru ppé tutti.
Mena V’auguru bona fortuna, allora!
Alfio Altrettantu a vui!
SCENA XII
(Maruzza, Mena, Padron Ntoni)
Maruzza Da quandu a Provvidenza è tornata a mara, nunnuta e Padron Cipolla su
tornati a frequentarsi. Puru stamatina l’aiu viduti ‘nzema.
Mena Padron Fortunatu è tantu riccu e nun avendu atru da fara ca cuntara i sordi,
passa tuttu u santu jornu menzu a chiazza.
Maruzza Sì, nun c’è chi dira, e tuttu stu ben di Diu, prima o poi passa a Brasi.
Puru nui, mò chi avimu a barca a postu, si l’animi du purgatoru c’ aiutanu,
‘na vota pagatu u debitu di luppini, potimu stara tranquilli e penzara ad atri
cosi. Figghiaré, sta tranquilla, ca mammata nun ci dorma a notta.
Padron Ntoni (Entra con delle reti)
Maruzza Pecchì nun v’aviti fattu aiutara e Ntoni?
Padron Ntoni L’aiu dassatu duva mastru Pizzutu. Povaru guagliuna, fatica tutta a simana
ha puru dirittu a nu pocu e svagu. Vidi, ca fora c’è a Locca e u figghiu nun trova
ma fatica; mandaci ‘ncuna cosa, nun hannu nenta da mangiara!
Maruzza Alé, pia du’ favi e portali a ra Locca!
Padron Ntoni Si campamu finu a sa stata, e si u Signura c’ aiuta a pagara u zu Crocifissu
e u cumpara Zoppiddu, poi ccu i primi sordi avimu e fara a provvista du sala,
prima ma ci mintanu u daziu.
Maruzza Intra u tiratura du cumò ci sunnu cinc’onzi, pigghiatili!
Padron Ntoni Eu ccu u zu Crocifissu, doppu i luppini, affari non ‘nde vogghiu fara; ma penzu
ca trenta liri ppé a prima vota chi jamu a mara, nun mi nega.
Maruzza Dassati stara u zu Crocifissu, i sordi nun fannu ca portara disgrazzi. Puru
stanotta aiu sentutu cantara a gaddina nigura.
Padron Ntoni Povara bestia! Eppuru ci fa l’ova tutti i jorni.
Mena A propositu, ‘nd’avimu nu panaru chinu e vistu ca u cumpara Alfiu u luni va
a Catania, viditi si i po’ portara a ru mercatu.
Padron Ntoni Puru chissi ci ponnu aiutara a pagara i debiti; ma n’oviceddu friscu,
mangiativillu puru vui, quandu ‘nd’aviti gulia.
Mena Si ni mangiamu nui, chi vinda u cumpara Alfiu a ru mercatu? Mò, quandu
a gaddina si seda, ci mintimu puru l’ova d’anitra; i puricini si vindanu ottu
sordi l’unu.
Padron Ntoni Tu si propriu ‘na Toscano! Si pagamu u debitu, nessunu ci po’ mandara via
da casa nostra!
Casa mia, madre mia!
25