I MALAVOGLIA - Kesiev

ancora bisognu e nu pocu e tempu. Vui, don Silvè, chi ‘nde penzati?
Don Silvestro Penzu ca si a signora Maruzza ci minta manu, si po’ rimediara.
Maruzza Dicitimi duva l’aiu e mintira,eu sugnu disposta ma mintu puru subra i vrasci.
Don Silvestro Subra a casa, l’aviti e mintira! U sacciu ca i luppini nun l’aviti accattati vui!
Maruzza Tutti l’avimu accattati, tutti!
Don Silvestro Va bonu! Mastro Cirì, jati duva u zu Crocifissu e dicitici ma vena cca subitu,
ca ci aiu e parrara urgentamenta!
Zio Crocifisso E’ permessu?
Don Silvestro Trasiti….Trasiti……
Zio Crocifisso Bona giornata!
Don Silvestro Assettativi!
Zio Crocifisso No, grazzi! Preferisciu stara all’arditta!
Don Silvestro Comu vuliti; vi aiu fattu chiamara ppé vidira si potimu risolvira
amichevolmenta, tra vui e i Toscano, l’affara dei luppini.
Zio Crocifisso Don Silvè, nun è a mia chi v’aviti e rivolgira; eu nun c’intru chiù nenta;
u creditu l’aiu cedutu a Pedepapera, perciò parrati cu iddu.
Don Silvestro Eu parru cu vui, pecchì vui aviti vindutu i luppini a Padron Ntoni, e cu vui
avimu e trovara ‘n accordu.
Zio Crocifisso Sempra accussì! Eu sugnu comu u muru cchiù vasciu, duva tutti s’appoianu
Eu nun c’ aiu a favella comu l’avvocatu, perciò tutti ‘nda approfittanu.
Don Silvestro Non potiti certu dira ca i Malavoglia sunnu approfittaturi. Iddi u debitu u
vonnu pagara, sulu c’hannu bisognu ancora e nu pocu e tempu.
Zio Crocifisso Vi l’aiu dittu, eu nun c’intru.
Don Silvestro I Malavoglia nun vonnu liticara, ma si i mintiti cu i spaddi a ru muru, allora
puru iddi comicianu a mandara carta bollata e poi china s’è vistu, s’è vistu;
sugnu statu chiaru? Ma Santu Diu, nu pocu e carità cristiana ogni tantu nun
po’ fara che bena. E’ inutila fara a comuniona tutti i santi jorna, quandu nun
si ha mancu nu pocu e pietà ppé u prossimu.
Zio Crocifisso Pecchì, secundu vui, u prossimu ha pietà e mia?
Don Silvestro Scommettimu ca si vui v’ impuntati comu nu mulu cu i pedi ppé terra, perditi
tuttu e pagati puru i spisi.
Zio Crocifisso Tuttu chiddu chi fannu a mia, u fannu a Gesù Cristu ‘nchiovatu a ra crucia;
chissu vi dicu.
Don Silvestro ‘N’atra cosa, m’avia scordatu ma vi dicu ca a signora Maruzza è disposta
a rinunciara all’ipoteca subra a casa, allora chi ’nde diciti?
Zio Crocifisso Dicu ca stasira parru cu Pedepapera e ci dicu d’aspettara finu a Pasqua.
Don Silvestro Bravu, accussì va megghiu!
Zio Crocifisso Eu ppé amicizia fazzu qualunqua sacrifigiu, Padron Ntoni u po’ dira e vui,
caru don Silvestru, mi sapiti piara sempra ppé u versu giustu. Mò, mi ‘nde
pozzu jira?
Don Silvestro Jati, jati!
Padron Ntoni Grazzi, tanti grazzi!
Maruzza U Signura ma vi benedicia!
Zio Crocifisso Don Silvè, quandu voliti, mandati puru ppé i sementi chi m’aviavu cercati.
Don Silvestro E’ veru, vui ppé l’amici aviti nu cora randa comu u mara.
SCENA IX
(Luca, Maruzza, Ntoni, Padron Ntoni)
Luca Mà, sta chiovendu, nun venitira a ra staziona; salutamuni cca.
23