I MALAVOGLIA - Kesiev

Zio Crocifisso A mia a sula cosa chi m’importa è essara pagatu, nent’atru.
Padron Ntoni Eccu intantu settanta cincu liri d’accuntu; Maruzza, beneditta ma è, l’ha
mintuti e parta sordu subra sordu ccu sacrifici; perciò vi pregu ppé u momentu
accuntentativi e chissi.
Zio Crocifisso Cumpara Ntò, nun v’offenditira, ma chissi l’ avimu e considerara comu
interessi.
Ntoni Faticamu notta e jornu senza posa e quandu finarmenta riuscimu a mintira
e banda ‘ncuna lira, sa pia u zu Crocifissu, comu dira, vena u diavulu e si li
mangia; eccu comu vannu i cosi.
SCENA III
(Ntoni, Barbara)
Ntoni Cummaré, vui faticati troppu! Eccu pecchì u cumpara Tura nun vi vò
maritara.
Barbara Nun mi vò dara a chiddi chi nun vannu bena ppé mia.
Ntoni Eu, comu vi vaiu? Si vui mi voliti, eu….
Barbara Chi discursi mi staviti facendu? Vi ricordu ca a mamma nun è surda!
Ntoni Vi dicia, ca cu sti fraschi virdi nun potiti mai appicara u focu; dassati fara
a mia.
Barbara E’ veru ca viniti ca ppé vidira a Mangiacarrubba?
Ntoni Eu vegnu cca ppé vidira a chi puntu è a barca.
Barbara Papà dicia ca ppè a vigilia e Natala è pronta.
Ntoni Davveru? Nun viu l’ura.
Barbara Speru, quandu siti ‘n menzu u mara, vi ricordati quanta picia aiu squagghiatu
ppé a Provvidenza.
Ntoni E comu mu pozzu dimenticara? Arrivederci!
SCENA IV
(Pedepapera, Zio Crocifisso, Grazia)
Pedepapera (vedendolo passare) Chi giovanottu chi è diventatu Ntoni Malavoglia!
I fimmini su mangianu ccu l’occhi, si l’arrobbanu.
Zio Crocifisso L’unica perzuna chi è stata arrobbata sugnu eu, chissa è a verità.
Si Ntoni vò ma si ‘nzura, e a Mena hannu e fara a dota, vogghiu propriu
vidira e duva pigghianu i sordi ppé ma mi paganu i luppini. Natala è a ri porti
e Padon Ntoni nun s’è fattu ancora vidira.
Pedepapera U sapiti benissimu puru vui ca i luppini eranu menzi mucati e si nun era
ppé mia, mancu i vindiavu; perciò aviti ancora nu pocu e pacienza e viditi ca
si nun è oia, domana vi paga. Ricordatevi ca Padron Ntoni è nu galantomu.
Zio Crocifisso Aiu penzatu ‘na cosa, facimu finta ca eu vi cedu u creditu, accussì ci potimu
mandara l’usceri. A vui nessunu vi po’ dira ca siti nu strozzinu, né ca chissi
sunnu sordi du diavulu; chi ‘nde diciti?
Pedepapera Quandu vi è venuta sta bella idea? Stanotta?
Zio Crocifisso Quandu voliti, potiti venira ma vi pigghiati i sarmenti chi mi aviavu cercati.
Pedepapera E vui potiti mandara l’usceri, quandu voliti. I spisi, però, i pagati vui,
d’accordu?
20