I MALAVOGLIA - Kesiev

PROLOGO
(Anna, Grazia e altre donne, che formano una specie di coro)
Anna ‘Na vota, tempu arretu, i Toscano eranu tanti, ‘na grandissima parentela e da
che mundu è mundu, su megghiu canusciuti comu i Malavoglia.
Eppuru, a ru contrariu du soprannomu, su sempra stati e sunnu boni e bravi
pescaturi.
I Malavoglia hannu sempra avutu ‘na barca ‘n mare e quattru mura subra a
terra ferma.
Moni e nu parentatu tantu randa è rimasta sulu a famigghia e padron Ntoni,
chiddi da casa du Nespulu, padruni da barca, chiamata ‘Provvidenza’
PRIMO ATTO
SCENA I
(Padron Ntoni, Maruzza)
Padron Ntoni Marù, chi teni?
Maruzza Nenta!
Padron Ntoni E ppé quala motivu, s’è lecitu, l’occhi toi sembranu du’ guttari?......
T’ha fattu ‘ncuna cosa Bastianazzo?
Maruzza No!
Padron Ntoni Pecchì sì maritutta è a causa e sti lacrimi, eu sugnu ancora capacia
Ma ci insegnu a educazione a figghiuma.
M’in de fricu eu sì è granda e grossu.
Maruzza No!.......No!..... Bastianazzo nun c’intra.
Padron Ntoni Allora, si pò sapira chi teni?
Maruzza E’ arrivata a Cartolina a Ntoni.
Padron Ntoni Quala Cartolina? China ci ha scrittu?
Maruzza U Distrettu Militara.
Padron Ntoni Ntoni ha già vint’anni?
Maruzza Sì, vint’anni! Nu guagliuna ancora! E mu portanu via, chi sa duva!
Padron Ntoni Chissa propriu nun ci volia!
Maruzza Nu patra e ‘na mamma criscianu nu figghiu ccu tanti sacrifici.
U Statu nun sa si mora o si campa, a cosa nun u riguarda. Ma quando
ha vint’anni lu rre senza tanti comprimenti, ordina ppé leggia, leggia, chi ha
fattu iddu e non eu,u servizzu militara.
Padron Ntoni Ppé remara bisogna ca tutti i jiriti di manu si aiutano a vicenda; hannu de
restara sempra uniti e Ntoni è troppu importanta ppé mandara avanti sta
barca.
Maruzza Difendira u rre! E chi n’è u rre? Eu e i figghiceddi mei si fussera ppé Sua
Maestà lu Rre, a sira ni ‘nde jamu a ru lettu cu a panza vacanta.
Padron Ntoni No, no! Nun ci volia propriu sta mazzata!
Maruzza Cinqu’anni senza mu viu; c’è da nescira pacci!
Padron Ntoni Marù, mò sai chi fazzu; vaiu duva ‘ncunu pezzu grossu, unu e chiddi chi
cuntanu e vidimu si si pò fara ‘ncuna cosa.
Maruzza Eu sugnu chiù che certa ca nessunu po fara nenta ppe Ntoni e sapiti pecchi?
Padron Ntoni No! Dimmillu!
2