I MALAVOGLIA - Kesiev

SCENA XX
(Anna e donne)
Anna Mortu Bastiamazzu.Ntoni ficia a domanda e ottenìu u congedu.
Luca partìu e ficia u sordatu a ru postu sui.
SECONDO ATTO
SCENA I
(Ntoni, Santuzza, Zoppidda. Mangiacarrubba, Zio Cola, Barabba)
Ntoni Nun aiu vistu ancora Sara da Tudda.
Santuzza Nun abita cchiù cca, si ’nde juta a Ognina. Ha sposatu Minicu Trinca,
rimastu veduvu cu sei figghi, ma riccu comu nu maiala. Quandu si è
rispusatu, nun era passatu mancu nu misa da quandu era morta a
mugghiera, comu dira, u lettu era ancora caddu.
Zoppidda Dulura e vuviti e de mugghiera tantu dola pocu dura.
Ntoni U cumpara Minicu vò morira beccu.
Mangiarrubba E penzara ca u chiamavamu citrolu, ma chi citrolu! A mia nun mi piacianu
chiddi civetti chi fannu l’amuri cu chissu o ccu chiddu; unu dassanu, l’atru
pigghianu. Si eu vogghiu bena a unu, nun u cambiu mancu ppé Vittorio
Emanuele.
Ntoni Eu u sacciu a china voliti bena vui
Mangiacarrubba No ca nun u sapiti! Aviti sentutu dira sulu chiacchieri; ma si ‘ncuna vota vi
trovati a passara da casa mia, vi cuntu eu comu stannu i fatti.
Zoppidda Mò, chi a Mangiacarrubba a jettatu l’occhi subra Ntoni, ppé Anna è ‘na vera
grazia.
Barabba Carna e porcu e omini e guerra duranu pocu, dicia nu vecchiu proverbiu; ppé
chissu Sara t’ha dassatu.
Zio Cola Con ciò vol dira ca ‘na fimma è fedela quandu u turcu si fa cristianu.
Ntoni A mia sapiti quantu mi ‘nde importa? Ziti ne pozzu avira quanti nde vogghiu.
A Napoli i fimmini mi venianu arretu comu tanti caniceddi.
Barabba A Napoli, però, avivi a divisa e scarpi a ri pedi.
Zio Cola I guagliuni e Napoli su beddi comu chiddi e cca?
Ntoni A chiù bedda e cca nun è degna nemmenu ma ci porta i scarpi a ‘na Napolitana.
Eu ‘nd’avia una cu a gonna e sita, i nastri russi a ri capiddi e u bustinu tuttu
ricamatu.
SCENA II
(Zio Crocifisso, Padron Ntoni, Ntoni)
Zio Crocifisso Sentu ca sta storia, mi dispiacia ma vu dicu, va certamenta a finira cu
l’usceri.
Padron Ntoni Nun c’è bisugnu d’usceri, i Toscano su sempra stati galantomini, omini
e parola; viditi puru vui comu tutta a famigghia mia, du chiù randa a ru chiù
picciru fatica da mattina a ra sira ppé pagara u debitu, ppé nun venira menu
a ra parola data.
19