I MALAVOGLIA - Kesiev

Mena Mà, aviti bisognu e mia?
Maruzza No, figghiarè, riposati; quandu è prontu ti chiamu!
SCENA IX
(Franco, Don Silvestro, Don Giammaria, Zio Crocifisso)
Don Franco Don Silvè, ppé favora, smettitila, vi l’aiu dittu tanti voti, quandu riditi, mi
faciti diventara nervosu, perdu a pacienza.
Don Giammaria E quandu mai ‘nd’ aviti avuta?
Don Franco Eu a pacienza ci a dassu a ri ciucci.
Don Giammaria (a zio Crocifisso) Aviti sentutu chiddu chi ha dittu u speziala?
Zio Crocifisso Chi mi ‘nde futta a mia e chiddu chi dicianu i genti? Eu mi fazzu i fatti mei!
Don Giammaria E nun su fatti vostri chiddi da confraternita da bona morta? U sapiti puru vui,
speru, ca nessunu dà cchiù ‘na lira e intantu intra a cassa ci fannu u nidu
i surici. Don Francu, si si tratta ppé i scoli e ppé i lampiuni, sugnu sicuru
ca i sordi i trova.
Zio Crocifisso A ri tempi mei nun c’eranu scoli, né tanti lampiuni; nun si dava l’acqua a ru
ciucciu chi nun vulia vivira e si stava megghiu.
Don Giammaria Vui a ra scola nun ci siti jutu e puru l’affari vostri vi sapiti fara, e comu!
Zio Crocifisso U catechismu meu u sacciu troppu bonu.
Don Giammaria (sbatte contro un ostacolo) Porca miseria, armenu fussero addumati sti
lampiuni! Vui chi ‘nde diciti?
Zio Crocifisso Eu, ppé mia, è bena ca ognunu bada a ri fatti soi!
Don Giammaria E intantu u luminaru si arrobba l’ogghiu! Don Silvestru fa finta e nun sapira
nenta e u joala du sindacu fa chiddu chi u segretariu comanda. Mastru Cirinu
da quandu si è impiegatu a ru comuna sona l’Ave Maria, quandu si ricorda e
nun ha nent’atru da fara. U vinu chi accatta ppé a Missa è u stessu e chiddu chi
ha vivutu Cristo, Nostro Signore, subra a Crucia…. Sentiti Pedepapera chi
discurra cu Padron ‘Ntoni e Padron Cipolla. Chissu ci ha u peda du diavulu!
Zio Crocifisso Vi l’aiu dittu, eu sugnu ‘nu galantomu e a sti cosi nun ci vogghiu trasira!
SCENA X
(Pedepapera, Padron ‘Ntoni, Padron Cipolla, figlio della Locca, Don Giammaria, Zio Crocifisso)
Pedepapera Prima da rivoluziona era tutta ‘n’atra cosa, mò puru i pisci sun diventati
furbi, vu dicu eu!
Padron ‘Ntoni L’acciughi sentanu u grecala vintiquattr’uri prima, è sempra stata accussì!
L’acciuga è cchiù giudiziosa du tonnu e si mò ‘ne pigghinu tanti è pecchì
usanu i reti fitti fitti.
Padron Cipolla Secundu mia è tutta curpa e chiddi maleditti barchi a vapora, chi vannu
avanti e arretu, sbattendu l’acqua cu i roti; a stu modu, sempra secundu mia,
i pisci si spaventanu e nun si fannu cchiù vidira.
Figlio Locca Puru a Siracusa e a Messina ci sunnu i barchi a vapora e pisci ‘nde piscanu
tanti; ‘nd’arrivanu a quintali cu a ferrovia.
Padron Cipolla Insomma, sbrigativilla vui! Eu mi ‘nde lavu i mani! A mia di pisci nun mi
‘nde frica nenta! Tegnu vigni e chiusi, chi mi passanu u pana.
Pedepapera (da un ceffone al figlio della Locca) Bestia chi nun si atru! U sai o nun u sai
ca quandu parranu i cchiù randi e tia, tu hai e stara mutu, cu a lingua a
menzu ai denti? ‘mpara l’educaziona!
10