AAS 74 - Vaticano

Sacra Congregatio pro Causis Sanctorum 957
excipiendo Christo Domino ad ianuam sui cordis pulsanti, sive in ipsa
vocatione ad Societatem, sive in mandatis Superiorum, sive denique in
pauperibus et indigentibus.
Dominus autem qui omnia rependit « superabundanter quam pe­
timus aut intelligimus » (cfr. Eph 3, 20), etiam huic fideli servo pro­
missionem implevit : « Si quis audierit vocem meam et aperuerit ia­
nuam, introibo ad illum et cenabo cum illo, et ipse mecum» (Ap 3,
20). Introivit quidem in cor Francisci eique intimae amicitiae, vitae eu­
charisticae, familiaritatis cum B. Maria V., iucundum saporem gu­
stare concessit.
Nil proinde mirum quod ad extremum Dominus pulsans, servum
suum non modo vigilantem invenerit, sed etiam in manu tenentem lu-
cernam ardentissimae caritatis (cfr. Lc 12, 35).
Siquidem vir Dei in suo munere perseveravit usque dum per vires
licuit ; tum in valetudinarium secessit vespere diei 8 Septembris a. 1929,
et, morientium munitus Sacramentis, primis diei sequentis horis pla­
cidissime de hac vita migravit.
Inde etiam benignissimus Dominus copiosos gratiarum thesauros
in eos qui humillimi Fratris intercessionem expetebant constanter ape­
rire coepit.
Eius praeterea sanctitatis fama mirabiliter propagata peractisque
in Curia Victoriensi informativis inquisitionibus, Causae Introductio
apud Apostolicam Sedem signata est die 26 Februarii anno 1950.
Processu Apostolico deinde in urbe Bilbao rite peracto, quaestio in­
stituta est de virtutibus heroicis praedicti Servi Dei, et quidem apud
S. Congregationem pro Causis Sanctorum primum, die 16 mensis Iunii
a. 1981, in Congressu Peculiari Officialium Praelatorum Patrumque
Consultorum ; deinde, in Vaticanis Aedibus, die 10 mensis Novembris
eodem anno, in Congregatione Plenaria Patrum Cardinalium, ponente
seu relatore Rev.mo Domino Pericle Cardinali Felici.
Facta deinde de his omnibus Summo Pontifici Ioanni Paulo II fi­
deli relatione, Sanctitas Sua vota Sacrae eiusdem Congregationis rata
habens, Decretum super heroicitate virtutum Servi Dei apparari iussit.
Hodierno tandem die idem Summus Pontifex ad Se accitis Rev.mis
Cardinalibus Petro Palazzini, S. Congregationis pro Causis Sanctorum
Praefecto, et Pericle Felici, Causae Ponente, meque a Secretis aliisque
vocari solitis, iisque adstantibus, sollemniter edixit : Constare de vir­
tutibus theologalibus Fide, Spe et Caritate tum in Deum tum in proxi­
mum, necnon de cardinalibus Prudentia, Iustitia, Temperantia et Forti-