AAS 74 - Vaticano

An. et vol. LXXIV 6 Septembris 1982 N. 8
ACTA APOSTOLICAE SEDIS
COMMENTARIUM OFFICIALE
Directio: Palazzo Apostolico - Città del Vaticano — Administratio: Libreria Editrice Vaticana
ACTA IOANNIS PAULI PP. II
CONSTITUTIO APOSTOLICA
BARBAGARTIEN.
Quibusdam locis a dioecesi Guiratingensi detractis nova conditur Ecclesia
nomine Barragartiensis.
IOANNES PAULUS EPISCOPUS
SERVUS SERVORUM DEI
AD PERPETUAM REI MEMORIAM
Cum in pastorali munere exercendo « bonum dominici gregis sem­
per sit suprema ratio» (cf. Christus Dominus, 25), in hoc laudandum
esse putamus etiam Episcopum ac pastorem Guiratingensem, quippe
qui, plane sibi conscius amplissimorum suae dioecesis finium gravium-
que incommodorum celeriori ministerio sacro saepe obstantium, nuper,
consulta Conferentia Episcopali Brasiliensi, non dubitaverit ab Apo­
stolica hac Sede expetere ut eiusmodi fines submutarentur novaque ibi­
dem conderetur Ecclesia. Hac de causa, cum etiam constet idem con­
silium approbari a Venerabili Fratre Carmelo Rocco, Archiepiscopo
titulo Iustinianopolitano in Galatia atque Apostolico Nuntio in Bra­
silia, eorumque suppletum esse consensum quorum interest necnon il­
lorum qui id sua interesse censent, de sententia Venerabilium Fra­
trum Nostrorum S. R. E. Cardinalium, qui Sacrae Congregationis pro
Episcopis negotiis praesunt, deque plenitudine potestatis Nostrae Apo­
stolicae hasce per Litteras ea, quae sequuntur, decernimus atque iu­
bemus. A dioecesi Guiratingensi loca distrahimus in quibus municipia
53 - A. A. S.