AAS 74 - Vaticano

Sacra Congregatio pro Causis Sanctorum 739
ternae caritatis in filias, famulos, pauperes et patriam, quam vehe­
menter diligebat et eius adversas vicissitudines graviter fiebat.
Momentosa quaestio de eius pietate assequenda Caelinam ad
iustam viam inquirendam duxit, quapropter, demortuo viro, an­
no 1975 Romam petiit una cum filiabus Caelina, natu maiore, et
Hedvige, minore; quarum prior deinde matrimonium contraxit, mi­
nor autem cum matre mansit ut religiosam vitam vividius in diem
una simul foveret sub spirituali ductu P. Petri Semenenko, e Con­
gregatione Resurrectionis.
Qui occursus vero uberrimos fructus tulit; nam Serva Dei vo­
cationem religiosam manifeste persensit, ut sitim pietatis et in pro­
ximos egenos caritatis expleret ; simulque eius filia Hedviges, quae pri­
mum haud plene cum matre consentire ostendebat, anno 1881, super­
no illustrata lumine, religiosam vocationem perspexit, atque se matri
coniungere statuit tamquam prima sodalis condendae Congregationis
a Resurrectione. Ita in Urbe, anno 1882, Sororum a Resurrectione
D. N. I. C. Institutum originem habuit, cuius primae contubernales
fuere ipsa Dei Famula et filia Hedviges. Mox aliae quinque accessere
sodales.
In novo Instituto condendo Servae Dei propositum erat iuvenes
educare, pauperes, infantes et paroecialia opera custodire, migrantes
in propriis difficultatibus adiuvare ; nam Caelina magna sollicitudine
affecta semper fuit ex mìsera conditione eorum qui a Polonia disce-
debant ut pristinam oeconomicam conditionem meliorem redderent.
Nascentis vero religiosae familiae exordia suis non caruerunt dif­
ficultatibus : obvenere enim cito accusationes apud ecclesiasticas auc­
toritates, discrepantiae ab ipsis Patribus a Resurrectione, atque cen­
surae; neque id ab extraneis tantum, sed et a domesticis et ab ipsis
consanguineis propinquisque. Tot nihilominus inter anxietates atque
angustias, perseverans stabat Famula Dei, a Divino cordium Conso­
latore roborata, qui tandem aliquando hominum quoque mentes et
corda in Famulam suam, ut benevolenter sentirent, convertit; adeo
quidem, ut caritatis operibus actuosis, fidentiusque in dies se suaque
dicare studuerit. Die tandem 6 Ianuarii a. 1891, Urbis Cardinalis Vi­
carius ad vestitionem ac perpetuam professionem Servam Dei admisit
unaque simul Hedvigem, eiusdem filiam.
Eodem anno 1891 primam domum suae Congregationis fundavit
in urbe Kçty, inter Cracoviensis dioecesis fines ; ibique Caelina pri­
mos fructus laboris et amoris vidit, praesertim cum vocationum in-