AAS 74 - Vaticano

734 Acta Apostolicae Sedis - Commentarium Officiale
a Censura notatis ; hic est celebratus ab anno 1947 ad annum 1952.
Annis 1960-1961 actus est Processus Apostolicus super virtutibus in
specie apud Curiam Par mensem et partim Romae. Edito Decreto de
validitate Processuum die 7 mensis Decembris anno 1963, disceptatum
est de heroicitate virtutum, primum in Congressu Peculiari Officia­
lium Praelatorum et Consultorum die 13 Octobris anno 1981, deinde
in Congregatione Plenaria Patrum Cardinalium die 15 sequentis men­
sis Decembris, Ponente seu Relatore Rev.mo D. Cardinali Silvio Oddi,
in qua dubio num Servus Dei christianas virtutes heroicum in modum
coluisset affirmative est responsum.
Facta deinde de praemissis omnibus Summo Pontifici Ioanni
Paulo II per infrascriptum Cardinalem Praefectum die 7 Ianuarii
huius anni fideli relatione, Sanctitas Sua, ut Decretum super heroicis
virtutibus Servi Dei rite appareretur mandavit.
Hoc tandem die, ad se accitis Cardinalibus infrascripto Praefecto
atque Silvio Oddi, Causae Ponente seu Relatore, meque Antistite a
Secretis Sacrae Congregationis ceterisque de more convocandis, iis­
que adstantibus, Summus Pontifex sollemniter pronuntiavit : Constare
de virtutibus theologalibus Fide, Spe et Caritate tum in Deum tum in
proximum, necnon de cardinalibus Prudentia, Iustitia, Temperantia
et Fortitudine earumque adnexis, in gradu heroico, Servi Dei Quido-
nis Mariae Conforti, Archiepiscopi-Episcopi Parmensis, fundatoris Piae
Societatis S. Francisci Xaverii pro Exteris Missionibus, in casu et ad
effectum de quo agitur.
Hoc autem Decretum rite promulgari et in acta S. Congregatio­
nis pro Causis Sanctorum referri mandavit.
Datum Romae, die 11 mensis Februarii A. D. 1982.
L. 83 S.
PETRUS Card. PALAZZINI, Praefectus
83 Traianus Crisan, Archiep. tit. Drivasten., a Secretis