AAS 74 - Vaticano

654 Acta Apostolicae Sedis - Commentarium Officiale
eandem Curiam Antiochenam Maronitarum annis 1973, de inquisitio­
num tum ordinaria tum apostolica potestate instructarum iuridica vi
et validitate latum est Decretum die 24 Octobris a. 1974.
Servatis igitur omnibus de iure servandis, quaestio agitata est
apud hanc Sacram pro Causis Sanctorum Congregationem super vir­
tutibus theologalibus et cardinalibus eisque adnexis Servae Dei; et
quidem primum, die 19 Maii a. 1981, in Congressu Peculiari Consulto­
rum Theologorum, deinde vero, die 15 Decembris a. 1981, in Coetu
Plenario Patrum Cardinalium, ponente seu relatore Rev.mo Cardinali
Vladislao Rubin. Et omnes, tum Patres Consultores Omcialesque Prae­
lati, tum Cardinales Patres proposito dubio num Serva Dei heroicum
attigisset virtutum fastigium adfirmantes responderunt.
Facta postmodum de hisce omnibus Ioanni Paulo Papae II fideli
relatione die 7 Ianuarii a. 1982, Sanctitas Sua vota Sacrae Congrega­
tionis rata habens, mandavit ut Decretum super heroicis Famulae Dei
virtutibus rite appararetur.
Quod cum factum esset, hoc die Summus idem Pontifex, accitis
Cardinalibus Praefecto huius Sacrae Congregationis atque memorato
Causae ipsius Cardinali Ponente, meque Antistite a Secretis ceterisque
de more con vocandis, iisque astantibus, Decreto suo sancivit : Constare
de virtutibus theologalibus Fide, Spe et Caritate cum in Deum tum in
proximum, necnon de cardinalibus Prudentia, Iustitia, Temperantia
et Fortitudine earumque adnexis Servae Dei Rebeccae Ar-Rayès de
Himlaya apud Bikfaya, monialis professae Ordinis Libanensis Maroni­
tarum, in gradu heroico, in casu et ad effectum de quo agitur.
Hoc autem Decretum rite promulgari et in acta S. Congregationis
pro Causis Sanctorum referri mandavit.
Datum Romae, die 11 mensis Februarii, A. D. 1982.
L. © S.
PETRUS Card. PALAZZINI, Praefectus
© Traianus Crisan, Archiep. tit. Drivasten., a Secretis