AAS 74 - Vaticano

Sacra Congregatio pro Causis Sanctorum 653
patientiae, ut esset eius passionis particeps. Religiosas et novitias hor­
tabatur ut essent patientes, eiusque consilia magni erant ponderis,
quandoquidem id exsequebatur, quod docebat. Solus novit Deus vim
acerborum dolorum, quos illa tolerabat; neque die neque nocte enim
ii remittebant. Nihilo minus nemo umquam eam audivit murmuran-
tem, vel lamentantem, vel a Deo petentem ut se doloribus liberaret;
namque sine intermissione aequo animo fuit, serena et grata in Do­
minum pro morbo quo erat affecta; quin etiam ipsum morbum existi­
mavit donum pretiosum sibi a Dei missum, ut posset «adimplere in
carne sua ea quae desunt passionibus Christi, pro corpore eius, quae
est Ecclesia» (cfr. Col 1, 24).
Soror Rebecca ideo patienter tulit cum gaudio morbum, quia om­
nino se Divinae Providentiae commiserat. Dei enim voluntatem vide­
bat in omnibus, quae ei accidebant : « Fiat voluntas Dei » continenter
dictitabat, praesertim cum pateretur acerbius. Se idcirco divinae vo­
luntati permittere, non verba vana erant sed efficacia, quia ex hac
plena permissione vivebat.
Non solum Famula Dei non est questa dolores suos, sed neque
causa fuit cur quis de ea conquereretur, ne semel quidem. Tam comis
et humana etenim fuit tantaeque caritatis erga proximos, ut his mi­
nistrando se dederet, cuiuscumque regionis erant. In singula diei tem­
pora sequebatur praeceptum Christi, Dilecti sui : « Diligite invicem,
sicut dilexi vos». Virtus Servae Dei tam erat pulchra, ut esset etiam
perpetuo iucunda; unde eius praesentia grata erat et consuetudo sua­
vis et amoena. Ideo Sorores ofìiciosae erant in eam et aemulabantur
ut ei opitularentur.
Praeclara atque late diffusa sanctitatis fama, qua Dei Serva vivens
honestata erat, post eius obitum, in dies percrebrescens, supernis
signis visa est confirmari. Quam ob rem factum est ut Causa de Bea­
torum Caelitum honoribus eidem decernendis agi coepta sit. Proces­
sus igitur ordinaria potestate apud Curiam Antiochenam Maronitarum
anno 1929 constructi fuerunt, qui expleti Romam transmisi sunt apud
Sacram tunc Rituum Congregationem. Quibus canonice excussis edito-
que Decreto super scriptis Servae Dei tributis, Paulus Papa VI die 1
Iunii anno 1968 introductionis Causae commissionem propria, ut moris
erat, manu signavit. Recognita est deinde, die 22 mensis Februarii
anni 1969, oboedientia Decretis Urbanianis super indebito cultu latis,
atque apostolicis instructis processibus super virtutibus in specie apud