AAS 74 - Vaticano

Sacra Congregatio pro Clericis 643
sacerdotum, fines persequentium indolis politicae, haud quidem ad
modum factionis, sensu proprio huius verbi, sed in adiutorium ali­
cuius determinatae ideologiae vel systematis politici. Et quaestio insu­
per est de clericorum associationibus sic dictis «professionalibus»,
characterem quodammodo « syndicalem » prae se ferentibus.
Post attentam diversorum casuum et adiunctorum consideratio­
nem, atque prae oculis habitis quae de presbyteratus natura deque
iure associationis presbyterorum habentur tum in Decretis Concilii
Oecumenici Vaticani II, tum in conclusionibus Synodi Episcoporum
anni 1971, 1
itemque auditis aliis Sacris Congregationibus, quarum inte­
rest, scilicet Sacris Congregationibus pro Ecclesiis Orientalibus, pro
Religiosis et Institutis Saecularibus atque pro Gentium Evangeliza­
tione seu de Propaganda Fide, necnon consulta Commissione Codicis
Iuris Canonici recognoscendo, haec Sacra Congregatio pro Clericis
sequentia declarat :
I. - Iam ab antiquo multi presbyteri saeculares necessitatem vel
convenientiam experti sunt personaliter fruendi adiutorio quod ex as­
sociatione cum aliis provenit ad vitam spiritualem excolendam, ad
ecclesiasticam culturam fovendam, ad opera pietatis vel caritatis exer­
cenda aliosque fines persequendos cum propria sacramentali consecra­
tione et divina missione plene congruentes. Hierarchia Ecclesiae liben­
ter quidem agnovit clericis quoque licere inter se consociare, sive asso­
ciationes constituendo sive iam constitutis nomen dando, semper ta­
men propter rationes sacerdotii ministerialis naturae congruentes. 2
II. - Simul vero ipsa Sacra Hierarchia numquam permisit, neque
permittere nunc potest, ut ius associationis clericorum, sive intra ec­
clesialem communitatem sive in ambitu civili, exerceatur partem ha­
bendo in associationibus vel coadunationibus cuiuslibet speciei, quarum
natura, fines vel agendi rationes aut hierarchicam Ecclesiae commu­
nionem praepediant aut detrimentum secum ferant sacerdotali iden­
titati et adimpletioni munerum, quae ipsi, « nomine Christi », exercent
1
Decr. Presbyterorum Ordinis, n. 8; De sacerdotio ministeriali, Pars II, n. 2:
AAS 63 (1971), p. 920.
2
Cfr. S. Pius X, Exhort, ad clerum Haerent animo, 4 aug. 1908: Acta Pontificia,
vol. VI, 1908, p. 317; Pius XII, Adhort. Ap. Menti Nostrae, 23 sept. 1950: AAS 42,
(1950), pp. 682ss.; Ioannes XXIII, Alloc. d. 10 nov. 1961: «Discorsi», vol. IV, p. 45;
Paulus VI, Litt. Encycl. Sacerdotalis caelibatus, 24 iun. 1967, n. 80; Conc. Oecum.
Vat. II, Decr. Presbyterorum Ordinis, n. 8.