AAS 74 - Vaticano

60 Acta Apostolicae Sedis - Commentarium Officiale
ACTA SS. CONGREGATIONUM
SACRA CONGREGATIO PRO EPISCOPIS
DECRETA
I
FLUMINIS NIGRI
De mutatione nominis dioecesis.
Apostolicis sub plumbo Litteris, die 14 mensis novembris anno 1980
datis, praelatura Fluminis Nigri ad gradum et dignitatem dioecesis
evecta est, servatis nomine et sede exstinctae praelaturae.
Cum vero appellatio Fluminis Nigri potius a nomine fluminis ibi
fluentis mutuata sit nulloque modo respondeat appellationi civitatis in
qua sedes episcopalis exstat, Exc.mus P. D. Michael Alagna, Episcopus
Fluminis Nigri, enixe postulavit, ut nomen dioecesis immutaretur.
Sacra igitur pro Episcopis Congregatio, praehabito favorabili voto
Exc.mi P. D. Carmeli Rocco, Archiepiscopi titulo Iustinianopolitani in
Galatia et in Brasilia Apostolici Nuntii, rata huiusmodi immutationem
ad quamlibet ambiguitatem semovendam profuturam, preces accipiendas
censuit.
Quapropter eadem Sacra Congregatio, vigore specialium facultatum
sibi a Summo Pontifice Ioanne Paulo, Divina Providentia PP. II, tri­
butarum, praesenti Decreto, perinde valituro ac si Apostolicae sub
plumbo Litterae datae forent, statuit, ut dioecesis Fluminis Nigri no­
men assumat, uti de more, ab urbe episcopali, vulgo « Sio Gabriel
da Cachoeira » et posthac Cachoeirensis nuncupetur eiusque pro tem­
pore Episcopus item Cachoeirensis cognominetur.
Contrariis quibuslibet minime obstantibus.
Datum Romae, ex Aedibus Sacrae Congregationis pro Episcopis,
die 21 mensis Octobris anno 1981.
L. & S.
ffi SEBASTIANUS Card. B AGGIO, Praefectus
ffi Lucas Moreira Neves, Archiep. tit. Feraditanus maior, a Secretis