AAS 74 - Vaticano

512 Acta Apostolicae Sedis - Commentarium Officiale
Art. 63
Firmo praescripto Art. 22 procuratores et advocati qui officio de­
fuerint, poterunt a S. R. Rota reprehensionis nota inuri, poena pecu­
niaria mulctari; suspendi, vel etiam ex albo advocatorum expungi,
audito tamen Collegio advocatorum consistorialium.
Art. 64
Procuratorum advocatorumque emolumenta non alia admittantur,
quam quae sunt probata.
TITULUS III
DE ORDINE IUDICIARIO IN S. R. ROTA SERVANDO
Art. 65
Applicentur Normae S. R. Rotae Tribunalis, editae anno 1934,
Tit. III, De ordine iudiciario, Art. 59-185, donec recognitae eaedem
fuerint iuxta novum Codicem Iuris Canonici.
APPENDIX
DECRETUM
DE ORDINARIO STUDIO SACRAE ROMANAE ROTAE
Nihil antiquius habuit Sacra Romana Rota, quam ut sua florerent
Studia, quibus non parvum decus et honorem in iuris historia sibi
comparavit.
Non est igitur mirum quod, vix in pristinum exercitium revocata,
Sacra Rota summam curam egerit in novo Studio instaurando, Ordi­
natione die 21 Decembris 1911 lata.
Etiam Sacra Congregatio de disciplina Sacramentorum, de matri­
monii sacramento apprime sollicita, novam edens Instructionem die 15
Augusti 1936, haec scribenda : « Hinc Sanctae Sedis mens est, et hoc
Rev.mi Ordinarii probe noscant, ut electi iuvenes, doctorali saltem
in iure canonico in hac Alma Urbe laurea decorati, praesertim apud
Studium Sacrae Romanae Rotae, ad processus rite conficiendos atque
ad recte iudicandum erudiantur, iustitia ac veritate ducibus».