AAS 74 - Vaticano

510 Acta Apostolicae Sedis - Commentarium Officiale
Art. 54
§ 1. - Auditores qui secretum violaverint, aut ex gravi neglegentia
vel dolo grave litigantibus detrimentum attulerint, tenentur de damnis
et ad instantiam partis laesae, vel etiam ex officio, Signaturae Apo­
stolicae iudicio, a SS.mo confírmate, puniri possunt.
§ 2. - Tribunalis administri et Auditorum secreti qui similia ege­
rint, pariter tenentur de damnis, et ad instantiam partis laesae, aut
etiam ex officio, Rotalis Collegio iudicio, puniri possunt.
Art. 55
Firmis muneribus cuiusvis Officialis, viget principium quemque
adiumento aut substitutioni esse debere conlegae absenti aut impedito,
prouti Decanus opportunum duxerit, sine ulla speciali remuneratione.
Hoc principium applicatur etiam quoties Decanus designaverit
Officialem munus obeuntem in officio quod suo titulari vacat.
Art. 56
Omnes Tribunali addicti (sive Officiales sive inferiores Administri)
vetantur admittere extraneos intra officia Cancellariae, non exclusis
Advocatis, Procuratoribus, Defensoribus vinculi deputatis, peritis, et
interpretibus.
Art. 57
Pro horario et absentiis ab officio vigent Articuli 42, 45 et 47 Ordi­
nis Generalis Curiae Romanae.
Art. 58
Attenta peculiari natura atque ratione Tribunalis S. R. Rotae,
aestivae feriae pro Auditoribus, Officialibus et inferioribus Admini­
stris erunt, sicuti fieri consuevit, simul cum clausura officiorum per
triginta dies continuos, firmis peculiaribus statutis Ordinis Generalis
Curiae Romanae sub Art. 50, 51, 52 et 54.