AAS 74 - Vaticano

Tribunal Sacrae Romanae Rotae 509
2) Tenentur insuper obligatione servandi arctissimam secretum
super nominibus personarum superque factis, quorum in cognitionem
pervenerint in exercitio suorum munerum.
3) Sinere non possunt ut ad sedem Archivi accedant personae
Tribunali extraneae, neque tradere positiones eisdem custodiendas com­
missas nisi ex expressa venia Decani vel per Moderatorem Cancellariae
data, exceptis quidem causae Ponente vel vinculi Defensore aut iusti­
tiae Promotore qui in eadem intervenerint.
4) Cursor, qui has normas transgrediatur aut violaverit arctum
secretum, punietur sanctionibus statutis in Ordine Generali Curiae
Romanae, sub Tit. IX.
CAPUT V
DE NORMIS DISCIPLINARIBUS
Art. 52
§ 1. - In iudicio criminali semper, in contentioso autem, si ex
revelatione alicuius actus praeiudicium partibus obvenire possit, vel ab
ipso Tribunali secretum impositum fuerit, ' Auditores, Tribunalis
administri et Auditorum secreti tenentur ad secretum officii.
§ 2. - Inviolabile etiam ab Auditoribus secretum est servandum
de discussione quae in Tribunali ante ferendam sententiam habetur,
itemque de suffragiis et opinionibus ibidem prolatis, pariterque super
disceptatis in Collegio aut super partibus quas singuli in disceptatio­
nibus habuerunt.
Art. 53
§ 1. - Singuli S. R. Rotae Auditores, post nominationem, antequam
iudicis officium suscipiant, coram universo Collegio, adstante uno ex
Notariis S. Tribunalis, qui in acta referet, iusiurandum dabunt de
officio rite et fideliter implendo, atque de secreto servando ad normam
Articuli praecedentis.
§ 2. - Item praescriptum iusiurandum dabunt coram S. R. Rotae
Decano, adstante pariter uno ex Notariis, Tribunalis administri et
singuli Auditorum secreti, qui forte ab ipsis Auditoribus, probante
Decano, eliguntur exclusa tamen quacumque obligatione pro Tribunali.