AAS 74 - Vaticano

Tribunal Sacrae Romanae Rotae 503
2) declarare, super legitima instantia, conformitatem exempla­
rium cum originali restituendo exhibita documenta; utcumque requi­
ritur venia Ponentis si authenticatio respiciat causam pendentem,
aliter venia Decani;
3) repetere, significante Archivista, a Promotore iustitiae aut a
Defensore vinculi acta eisdem missa, quoties intra quindecim dies
archivo restituta non fuerint;
4) redigere, de consensu Moderatoris Cancellariae, mandata pecu­
niae solutionis exactionisve arcario tradenda;
5) perpendere quolibet exeunte mense particularem necnon gene­
ralem redditionem rationum, a ratiocinatore peracta, quod spectat
aerarium Sanctae Sedis, atque dein, probante Moderatore Cancella­
riae, conficere mandata accepti et expensi;
6) admittere Advocatos, horis statutis, pro notitiis de statu cau­
sarum et exhibendis instantiis ;
7) substituere Moderatorem Cancellariae absentem aut impeditum.
§ 1. - Secundi Notarii erit :
Art. 44
1) custodire libros seu schedulas causarum, iuxta numerum pro­
tocolli, in quibus adnotabit exsecutionem et transmissionem omnium
actorum, notificationum, citationum, etc. ;
2) adnotare in peculiari diario dies ad dubia concordanda sta­
tutos, ad testium vel peritorum excussionem, ad ferendae sententiae
Turnos, necnon ad distributiones decreto Ponentis iussas ;
3) significare Ponenti Advocatos qui, ex certificatione distribu­
ions, fatalia pro actis distribuendis statuta neglexerint.
§ 2. - Secundus Notarius insuper atque praecipue explet quae
Art. 42, 2° praescripta sunt.
§ 3. - Secundus Notarius plerumque curabit ut quotannis iurispru­
dentiae Rotalis principia in indicem systematicum redigantur.
Tertii Notarii pressius erit :
Art. 45
1) curare regestum repertorii in quae referuntur annuali numero
progressivo singulae petitiones, quae ad Tribunal perveniant, praevia
certificatione praecedentium Archivi ;