AAS 74 - Vaticano

502 Acta Apostolicae Sectis - Commentarium Officiale
Art. 41
Moderator Cancellariae respondet de fideli summariorum singularum
causarum confectione.
CAPUT IV
DE OFFICIALIBUS MINORIBUS
ET DE OFFICII ADMINISTRIS (SUBALTERNI)
Art. 42
Munera omnium Notariorum Tribunalis, praeter peculiaria ipsis
concredita in Cancellariae officiis, sunt :
1) componere exemplaria epistularum, quas Auditores ratione
muneris et causarum sibi commissarum, mittere velint;
2) curare exsequenda decreta, vel cum congrua explicatione eorum
omnium quae iisdem breviter indicantur, vel cum exaratione et subsi­
gnatione litterarum adiunctarum et notificationis, nisi singulis in casi­
bus Ponens easdem epistulas subsignare ipse malit;
3) interesse iuramento forte praestando a quibusvis secundum
legem atque conscribere ad hoc instrumentum in actis asservandum,
subsignationes authenticas declarare, etc. ;
4) subsignare citationes, communicare cum partibus vel cum Ad­
vocatis iussa Ponentis, atque referre in idonea regesta vel schedulas
citationes et communicationes peractas;
5) adesse instructionibus processuum et oralibus discussionibus
coram Turno pro Tribunali sedente;
6) significare, etiam scripto, iure petentibus decisionis partem
dispositivam, nisi Tribunal censuerit de re secretum usque ad formalem
publicationem servandum.
Primi Notarii erit :
Art. 43
1) referre statim in protocollo acta omnia et documenta, quae ad
Tribunal pervenerint aut per tabelliones aut per Advocatos aut per
ipsas partes, communiendo sigillo singula documenta eaque si casus
ferat numerando antequam Ponenti transmittat;