AAS 74 - Vaticano

Tribunal Sacrae Romanae Rotae 501
CAPUT III
DE MODERATORE CANCELLARIAE
Art. 39
§ 1. - Moderator Cancellariae, sub ductu Decani, illam regit atque
de eiusdem officiis ipse directe respondere tenetur ; idemque singulo­
rum Officialium activitatem ordinat curans quoque exsecutionem la­
boris secundum consuetudinem et praxim Tribunalis.
§ 2. - Moderator Cancellariae, propter peculiarem eiusdem consti­
tutionem tamquam officii iudiciarii, una cum peculiaribus muneribus
infra recensendis, Notarii quoque munera adimplet.
§ 3. - Moderatori Cancellariae directe subiciuntur inferioris ordi­
nis administri quod attinet ad disciplinam et exsecutionem munerum
iisdem commissorum.
Art. 40
Moderatoris Cancellariae erit potissimum :
1) curare commercium epistulare Tribunalis, atque subsignare
actus aut documenta quae, secundum praxim, non exigant subsigna­
tionem Decani vel Ponentis, itemque directe suppeditare et subscri­
bere sui muneris conscientia actus et litteras quae nomine Cancellariae
conscribuntur ;
2) parare, auxiliante Notario, breve summarium novarum cau­
sarum aut quaestionum quae ad Tribunal perveniunt quaeque postea
Decano pro congrua provisione aut Turni constitutione subicientur ;
3) recipere ab Auditoribus rescripta, decreta, decisiones, quae
ipse exsequenda curat per Notarios;
4) custodire sigilla propria Cancellariae, quae nemo adhibere
potest sine eius expresso consensu ;
5) post Auditores subsignare autographa sententiarum et post
Decanum diplomata Advocatorum Rotalium;
6) emittere mandata solutionis aut exactionis idque subsignatione
sua vel primi Notarii ;
7) committere interpretibus, a Decano probatis, acta causae aliave
documenta in probatam linguam vertenda;