AAS 74 - Vaticano

500 Acta Apostolicae Sedis - Commentarium Officiale
Art. 33
De gratuito patrocinio concedendo vel negando audiendus est Pro­
motor iustitiae; qui instabit quoque ut illud revocetur, si casus ferat.
Art. 34
§ 1. - Cum Promotor iustitiae abstinere debeat ab officio suo, ad
normam praescripti can. 1613 C.I.C. vel cum suspectus declaratus
fuerit, Decanus ei sufficiet pro ea causa Substitutum, de quo in Art. 6.
§ 2. - Idem praestare potest Decanus, instante Turno, si Promotor
impediatur quominus animadversiones exhibeat intra congruum tem­
poris spatium ipsi assignandum.
Art. 35
§ 1. - Defensor vinculi intervenire debet in omnibus causis in qui­
bus agitur de vinculo sacrae ordinationis aut matrimonii.
§ 2. - Quare harum causarum positiones quamprimum sunt ei trans­
mittendae a Ponente.
§ 3. - Ineunte quolibet anno iudiciario, Decanus, auditis quoque
iis quorum intersit, statuet tabellam praesentiae, ita ut quotidie adsit
in Tribunali saltem unus e Defensoribus vinculi. Iidem aderunt in
Tribunali quoties quoque convocentur aut citentur in suis causis.
Art. 36
In causis de nullitate matrimonii itemque de probanda inconsum­
matione et causis ad dispensandum super rato, vinculi Defensor ma­
trimonium tuetur cum officiis et iuribus de quibus in Codice.
Art. 37
In causis in quibus impugnantur obligationes ex sacra ordinatione,
vel ipsa sacrae ordinationis validitas, vinculi Defensor validitatem or­
dinationis obligationesque ex ea exsurgentibus tuetur, cum officiis et
iuribus de quibus in Codice.
Art. 38
Quae de Promotore iustitiae statuta sunt Art. 31 et 34, valent
quoque de vinculi Defensore.