AAS 74 - Vaticano

An. et vol. LXXIV 7 Ianuarii 1982 N. 1
ACTA APOSTOLICAE SEDIS
C O M M E N T A R I U M O F F I C I A L E
Directio: Palazzo Apostolico - Città del Vaticano — Administratio: Libreria Editrice Vaticana
ACTA IOANNIS PAULI PP. II
CONSTITUTIONES APOSTOLICAE
I
AMERICA LATINA
ATQUE FOEDERATAE CIVITATES MEXICANAE
Exarchatus Apostolicus pro fidelibus ritus Armenii in omnibus dicionibus
Americae Latinae atque Foederatarum Civitatum Mexicanarum commo­
rantibus constituitur.
IOANNES PAULUS EPISCOPUS
SERVUS SERVORUM DEI
AD PERPETUAM REI MEMORIAM
Armeniorum fidelium coetum per omnes Americae Latinae diciones
atque in Mexico commorantium, eorum scilicet qui decursu temporum
ob diversas vicissitudines, propriis relictis regionibus, ad novam se­
dem residentiae et operis inveniendam Americam Latinam petierunt,
incrementa cepisse libenti animo accepimus; qua re opportunum vi­
sum est eorum omnium precibus concedere, qui ut ab Apostolica Sede
peculiaris Exarchatus Apostolicus conderetur petierunt. Ex sententia
igitur sive Venerabilium Fratrum Nostrorum S. R. E. Cardinalium
qui Sacrae Congregationi pro Ecclesiis Orientalibus praeponuntur,
sive Venerabilis Fratris Hemaiagh Petri XVII, Patriarchae Ciliciae
Armeniorum, eiusque Synodi, sive denique uniuscuiusque cuius interest,
Nos, re bene considerata, suprema Nostra potestate qua pollemus Exar-