AAS 74 - Vaticano

498 Acta Apostolicae Sedis - Commentarium Officiale
§ 2. - Quando agitur de causa vi commissionis Pontificiae tractanda,
si commissio iam fuerit subscripta ab iis quibus de iure, potestas
S. Rotae adquisita est, nec cessat per vacationem Sedis Apostolicae;
quod valet etiam in casu quo commissio nondum fuerit ad Sacram
Rotam transmissa.
CAPUT II
DE PROMOTORE IUSTITIAE ET DEFENSORE VINCOLI
Art. 26
§ 1. - Promotor iustitiae intervenire debet in omnibus causis cri­
minalibus, itemque in contentiosis in quibus bonum publicum in discri­
men vocari potest, iis exceptis quae ad vinculi Defensorem spectant.
§ 2. - Curet autem Ponens ut quam primum harum causarum posi­
tiones transmittantur Promotori iustitiae.
§ 3. - Ineunte quolibet anno iudiciario Decanus, auditis quoque
iis quorum intersit, statuet tabellam praesentiae, ita ut quotidie adsit
in Tribunali Promotor iustitiae aut eius Substitutus.
§ 4. - Promotor iustitiae et Substitutus aderunt in Tribunali
— secundum praxim vigentem — praeter dies et horas tabella de qua
in § 3 praestitutas, quoties convocentur aut citentur in suis causis.
Art. 27
§ 1. - In causis criminalibus Promotor iustitiae gerit partes accu­
satoris intendens ut delinquentes iuste puniantur.
§ 2. - Licet vero eius sit accusare et sustinere ex officio accusatio­
nem, id tamen praestare non debet, si censeat accusationem prorsus
fundamento destitutam.
Art. 28
§ 1. - Praeter Promotorem iustitiae alius accusator non admittitur.
§ 2. - Sed adiumenta ad delicti probationem suppeditare debent Pro­
motori iustitiae qui delictum denuntiaverat, itemque Promotores iusti­
tiae tribunalium inferiorum, praesertim cum causa agitur ex horum
appellatione.