AAS 74 - Vaticano

Tribunal Sacrae Romanae Rotae 497
Art. 20
§ 1. - Auditor, ob impedimentum alterius suffectus, etiam anti­
quior, non potest esse Ponens, quoties Ponens antea designatus per­
maneat.
§ 2. - Si Ponens, ad normam Art. 18 § 3 designatus, iustam habeat
munus declinandi causam, poterit, auditis ceteris de Turno Audito­
ribus, uni ex ipsis munus committere, edito ad hoc decreto omnibus
quorum interest notificando, sed de re certior fiat Decanus.
Art. 21
Caveat Ponens ne typis edi iubeat aut sinat sententias Turni cui
praefuit, ex quarum divulgatione scandala, odia, diffamationes, dis­
sidia in familiis aut alia huiusmodi gravia mala oriri possint.
Art. 22
Ad continendos in officio advocatos aut procuratores, qui prae­
scripta Codicis aut Normarum Tribunalis S. R. Rotae transgredian-
tur, Ponens eis moderatas muletas infligere potest, graviores tamen
praevia comminatione in scriptis facienda. Nefas est advocatis eius­
modi muletas inter expensas a cliente reiiciendas computare.
Art. 23
Ponens invigilet ut gratuitum patrocinium in causa diligenter exerceatur,
firmis Art. 22 et 63.
Art. 24
Ad legitimam exsecutionem actorum iudicialium cuiuslibet generis,
competit Auditoribus potestas applicandi remedia poenalia, vel etiam
censuras ecclesiasticas.
Art. 25
§ 1. - Quando Auditores causam agunt potestate ordinaria, haec
potestas non cessat per vacationem Sedis Apostolicae.
32 - A. A. s.