AAS 74 - Vaticano

Tribunal Sacrae Romanae Rotae 493
Art. 8
§ 1. - De Cancellariae officiis directe respondet eiusdem Moderator,
qui debet esse sacerdos, laurea doctorali in iure canonico et advocati
rotalis diplomate ornatus, maturae aetatis atque experientiae, et,
propter sua munera peculiaria, ex Tribunalis Notariis selectus.
§ 2. - Cancellariae Moderator, ad iudiciarium ordinem quod atti­
net, Notarii iura atque munia servat.
Art. 9
§ 1. - Ad interna Cancellariae negotia explenda deliguntur quidem
Notarii, qui sint sacerdotes, laurea doctorali in iure canonico et advo­
cati rotalis diplomate praediti, necnon experientia et usu iudiciario
praestantes.
§ 2. - Ex Notariis alius bibliothecam munus quoque obtinebit, alius
autem summa capita iurisprudentiae Rotalis colligit.
§ 3. - Quoties instructionum numerus vel cognitio peculiaris linguae
id expostulaverit, Decanus et alios sacerdotes deputare poterit uti
Notarios qui interrogatoriis assistant.
Art. 10
§ 1. - Custodiendo atque asservando archivo causarum pendentium
praeficitur sacerdos cum titulo archivistae, qui saltem potiatur laurea
doctorali in iure canonico et archivii usu.
§ 2. - Ad explenda negotia administrativa duo erunt addicti, quo­
rum alter arcarii alter ratiocinatoris munus habebit; uterque, nisi
laurea doctorali, saltem speciali diplomate exornari debet.
Art. 11
§ 1. - Cancellariae Addicti eligentur qui bene linguam calleant
latinam et dactylographiae diplomate ornentur, sive inter clericos sive
inter laicos, secundum opportunitatem.
§ 2. - Ab addicto diploma dactylographicum non exigitur si ipse
ornetur laurea doctorali in disciplina ecclesiastica vel civili; sed idem