AAS 74 - Vaticano

Tribunal Sacrae Romanae Rotae 491
TITULUS I
DE CONSTITUTIONE SACRAE ROMANAE ROTAE
CAPUT I
DE TRIBUNALIS COMPOSITIONE ATQUE OFFICIIS
Art. 1
Sacra Romana Rota est Tribunal collegiale, Apostolicae Sedis ordi­
narium, constans certo Praelatorum numero, quorum electio Romano
Pontifici reservatur, qui Auditores vocantur, cui praesidet Decanus,
primus inter pares.
Art. 2
Praelati Superioris officia, de quibus in ordine generali Curiae
Romanae, in Sacra Romana Rota exercet, pro diversitate negotiorum
secundum articulos infra relatos, aut unus Decanus vel, eodem impe­
dito, Auditor antiquior, de quo in art. 4 § 1, aut integrum Praelatorum
Auditorum Collegium.
Art. 3
§ 1. - Auditores sacerdotes sint oportet, maturae aetatis, laurea
doctorali saltem in utroque iure praediti, honestate vitae, prudentia et
iuris peritia praeclari.
§ 2. - Iidem, vix ac attigerint septuagesimum quintum aetatis an­
num, emeriti evadunt et a munere iudicis cessant. Eis tamen septua­
ginta annorum aetatem adeptis iudicandi muneri renuntiare fas erit
sed ipsi emeriti non evadunt.
Art. 4
§ 1. - Auditores post Decanum ordine sedent ratione antiquioris
nominationis, et in pari nominatione ratione antiquioris ordinationis
ad sacerdotium, et in pari nominatione et ordinatione presbyterali,
ratione aetatis.
§ 2. - Vacante Decanatu, in officium Decani ipso iure succedit qui
primam sedem post Decanum obtinet, nisi Summus Pontifex singulis
in casibus aliter statuerit.