AAS 74 - Vaticano

¡Sacra Congregatio pro Causis Sanctorum 355
Servatis itaque omnibus de iure servandis, instante Rev.mo D.no
Iosepho Palazzini, postulatore huius Causae legitime constituto, quae­
stio agitata est apud hanc S. Congregationem pro Causis Sanctorum
super virtutibus theologalibus et cardinalibus eisque adnexis Servi Dei,
et quidem primum in Congressu peculiari Officialium Praelatorum Pa­
trumque Consultorum die 14 Martii huius anni 1981 habito; et deinde,
die 26 Maii hoc eodem anno, in Coetu Plenario Patrum Cardinalium, in
quo, Rev.mo Card. Humberto Mozzoni, ponente seu relatore, dubio num
Servus Dei christianas virtutes heroum in modum coluisset affirmative
est responsum.
De hisce omnibus Summus Pontifex Ioannes Paulus II certior fac­
tus die 31 Iulii a. 1981 per Cardinalem a Secretis Status, ut decretum
super heöricis virtutibus rite appararetur, mandavit.
Hoc itaque die, ad Se accitis Cardinalibus infrascripto Praefecto
atque Humberto Mozzoni, Causae Ponente seu Relatore, aliisque de
more convocandis, iisque adstantibus, Summus Pontifex sollemniter pro­
nuntiavit : Constare de virtutibus theologalibus Fide, Spe et Caritate
cum in Deum tum in proximum, necnon de cardinalibus Prudentia, Iu­
stitia, Temperantia et Fortitudine earumque adnexis, in gradu heroico,
Servi Dei Aloisii Balbiano, sacerdotis archidioecesis Taurinensis.
Datum Romae, die 27 Novembris a. D. 1981.
L. © S.
PETRUS Card. PALAZZINI, Praefectus
IV
HIEROSOLYMITANA
Traianus Crisan, Subsecretarius
Beatificationis et Canonizationis Servae Dei Mariae a Iesu Crucifixo, Mo­
nialis professae Ordinis Carmelitarum Discalceatorum.
SUPER DUBIO
An constet de virtutibus theologalibus Fide, Spe et Caritate tum in
Deum tum in proximum, necnon de cardinalibus Prudentia, Iustitia,
Temperantia et Fortitudine, earumque adnexis, in gradu heroico,
in casu et ad effectum de quo agitur.
(( Exsultet solitudo et floreat quasi lilium. Germinet et exsultet lae-
tabunda et laudans. Gloria Libani data est ei, decor Carmeli et Saron »
(Is 35, 1-2). Cum primus Terrae Sanctae his nostris temporibus flos