AAS 74 - Vaticano

Sacra Congregatio pro Causis Sanctorum 351
tione Plenaria Patrum Cardinalium, ponente seu relatore, Rev.mo Car­
dinali Pericle Felici.
De hisce omnibus certior factus die 5 Maii eiusdem anni, Ioannes
Paulus II responsum Sacrae Congregationis favens heroicitati virtu­
tum Servi Dei ratum habuit mandavitque ut eadem super re Decretum
rite appararetur.
Quod cum esset factum, hodierna die ad Se arcessivit Cardinales
infrascriptum Praefectum et Periclem Felici, Causae ponentem seu re­
latorem, necnon ceteros de more convocandos, iisque astantibus edixit :
Constare de virtutibus theologalibus Fide, Spe et Caritate tum in Deum
tum in proximum, necnon ole virtutibus cardinalibus Prudentia, Iustitia,
Temperantia et Fortitudine earumque adnexis, in gradu heroico, Servi
Dei Galilaei Nicolini, in casu et ad effectum de quo agitur.
Hoc autem Decretum publici iuris neri et in acta S. Congregationis
pro Causis Sanctorum inseri mandavit.
Datum Romae, die 27 Novembris a. D. 1981.
Ii. & S.
PETRUS Card. PALAZZINI, Praefectus
III
TAURINEN.
Traianus Crisan, Subsecretarius
Beatificationis et Canonizationis Servi Dei Aloisii Balbiano, Sacerdotis
saecularis, Vicarii cooperatoris loci « Avigliana ».
SUPER DUBIO
An constet de virtutibus theologalibus Fide, Spe et Caritate tum in
Deum tum in proximum, necnon de cardinalibus Prudentia, Iustitia,
Temperantia et Fortitudine, earumque adnexis, in gradu heroico,
in casu et ad effectum de quo agitur.
(( O felix pro hominibus sors, quando bonum Deus inter illos ex-
suscitat sacerdotem, cuius spectabilis pietas spectaculum est angelis et
hominibus. Illi Evangelium iugiter prae oculis habent, cui servando
non ratiociniis vel verbis, sed operibus trahuntur ». Quae quodam in
sermone Aloisius Balbiano protulit, eius ad vivum exhibent imaginem.
Humilis enim Avaglianensis vicarius cooperator, nihil per diutinum an-